- నివాళులర్పించిన ములుగు ఎస్పీ శబరీష్
ములుగు, వెలుగు: ములుగు జిల్లాలో పోలీసు శాఖకు సేవలు అందించిన పోలీసు జాగిలం స్కాంపర్అనారోగ్యంతో సోమవారం మృతిచెందింది. ఎస్పీ పి.శబరీష్, ఇతర అధికారులు గౌరవ వందనం చేసి నివాళులర్పించి వీడ్కోలు పలికారు. జిల్లాలో పోలీసు శాఖ తరఫున సుదీర్ఘ సేవలు అందించిన స్కాంపర్కు మొయినాబాద్ఐఐటీఏ లో శిక్షణ ఇచ్చారు. 2018లో ములుగు జిల్లా డాగ్ స్క్వాడ్ టీమ్ లో చేరి ఆరేండ్లుగా మందు పాతరలు కనిపెట్టడంలో కీలక సేవలు అందించింది.
కొంతకాలంగా కిడ్నీల సమస్యతో చికిత్స పొందుతూ స్కాంపర్ మరణించినట్లు అధికారులు తెలిపారు. జాకారం పీటీసీలో జాగిలానికి జిల్లా ఎస్పీతో పాటు అధికారులు పూలమాలవేసి నివాళి అర్పించారు. అడిషనల్ ఎస్పీ సదానందం, ఆర్ఐలు సంతోశ్, వెంకట్ నారాయణ, తిరుపతిరెడ్డి, ఆర్ఎస్ఐలు, డాగ్ స్క్వాడ్ టీమ్ సభ్యులు ఉన్నారు.
