కూకట్పల్లి, వెలుగు : ఏడేండ్ల బాలుడిపై లైంగిక దాడికి యత్నించిన పండ్ల వ్యాపారిని పోలీసులు అరెస్ట్ చేశారు. పశ్చిమ బెంగాల్కు చెందిన దంపతులు మూడు నెలల కిందట సిటీకి వచ్చారు. వీరికి ఏడేండ్ల కొడుకు ఉండగా, కూకట్పల్లిలోని సప్తగిరికాలనీలో నివాసం ఉంటున్నారు. కర్నాటకలోని బీదర్కు చెందిన సైలాన్బాబా(28) తన భార్య, ముగ్గురు పిల్లలతో కలిసి జగద్గిరిగుట్టలో ఉంటున్నాడు. తోపుడు బండి మీద పండ్ల వ్యాపారం చేస్తున్న నిందితుడు.. ప్రతి రోజు సప్తగిరికాలనీలో బాలుడు తల్లిదండ్రులు ఉంటున్న బిల్డింగ్సమీపంలో బండిని పెడుతున్నాడు.
బాలుడి మీద కన్నేసి, రోజూ ఏదో ఒక పండు ఇచ్చి మచ్చిక చేసుకున్నాడు. ఈ నెల 15న మధ్యాహ్నం ఇంట్లో ఒంటరిగా ఉన్న బాలుడిని బాత్రూమ్లోకి తీసుకెళ్లి లైంగిక దాడికి యత్నించాడు. బాధితుడు కేకలు వేయడంతో సమీపంలోనే ఉన్న బాలుడి బాబాయ్ఇంటికి వచ్చి డోర్ కొట్టాడు. దీంతో డోర్ తీసిన నిందితుడు కత్తితో బెదిరించి పరారయ్యాడు. అప్పటి నుంచి బాలుడి తల్లిదండ్రులు నిందితుడి కోసం గాలిస్తున్నారు.
మంగళవారం రాత్రి సప్తగిరికాలనీలో కూరగాయల మార్కెట్జరగగా, పండ్ల బండి పెట్టిన నిందితుడిని బాలుడి సహాయంతో స్థానికులు పట్టుకొని చితకబాదారు. ఆ తర్వాత నిందితుడిని పోలీసులకు అప్పగించారు. దీంతో పోక్సో చట్టం కింద నిందితుడిని పోలీసులు అరెస్టు చేసి రిమాండ్కు తరలించారు.
