- వీరితోపాటు ముగ్గురు ట్రాన్స్జెండర్లు కూడా..
సికింద్రాబాద్, వెలుగు: సిగ్నల్స్,హోటళ్లు, షాపుల వద్ద భిక్షాటన పేరుతో బలవంతపు వసూళ్లకు పాల్పడుతున్న ఫేక్ ట్రాన్స్జెండర్లను పోలీసులు అరెస్టు చేశారు. ఏపీలోని ఉమ్మడి అనంతపూర్ జిల్లాకు చెందిన చాందిని అలియాస్ కుమార్ (45), సమీర అలియాస్ఇషాక్(29), షేక్ ముంతాజ్ ఉరఫ్బాషా (39), చిత్ర అలియాస్ సురేశ్ (35), మనీషా అలియాస్ మాల్తేష్ (25), జయశ్రీ అలియాస్ రమేశ్(29), షేక్ అషు అలియాస్షఫీ(45) యాప్రాల్ బాలాజీ నగర్లో నివసిస్తున్నారు.
వీరిలో సమీర, ముంతాజ్, చిత్ర లింగమార్పిడి ఆపరేషన్లు చేయించుకోగా, మిగిలిన నలుగురు ఆడవారిలా వేషాలు వేసుకొని భిక్షాటన చేస్తున్నారు. తిరుమలగిరి, కార్ఖానా ప్రాంతాల్లో సిగ్నల్స్ వద్ద బలవంతంగా డబ్బులు వసూలు చేస్తున్నారు. హోటళ్లు, ఆఫీసులు, షాపులతోపాటు పాదచారుల నుంచి డబ్బులు గుంజుతూ.. ప్రశ్నించిన వారిపై దురుసుగా ప్రవర్తిస్తున్నారు.
దీనిపై సమాచారం అందుకున్న నార్త్జోన్ టాస్క్ఫోర్స్, కార్ఖానా పోలీసులు వీరిని శుక్రవారం అరెస్టు చేసి రిమాండ్కు తరలించారు. ఎవరైనా బలవంత వసూళ్లకు పాల్పడితే డయల్100కు ఫిర్యాదు చేయాలని టాస్క్ఫోర్స్ డీసీపీ సుదీంద్ర సూచించారు.
