మెహిదీపట్నం, వెలుగు: హైదరాబాద్ లంగర్హౌస్లో భారీ మొత్తంలో కల్తీ అల్లం వెల్లుల్లి పేస్ట్ను పోలీసులు స్వాధీనం చేసుకున్నారు. లంగర్ హౌస్ డిఫెన్స్ కాలనీకి చెందిన ఇమ్రాన్ సలీం కొన్నేండ్లుగా ‘హెన్నా గార్లిక్’ పేరుతో కల్తీ అల్లం వెల్లుల్లి పేస్ట్ తయారు చేస్తూ హైదరాబాద్లోని పలు హోటళ్లు, కిరాణా షాపులకు విక్రయిస్తున్నాడు. సమాచారం అందుకున్న లంగర్ హౌస్, టాస్క్ఫోర్స్ పోలీసులు గురువారం రాత్రి ఇమ్రాన్ సలీం తయారీ కేంద్రంపై దాడి చేశారు.
సిట్రిక్ యాసిడ్, కుళ్లిన అల్లం, వెల్లుల్లితో తయారు చేసిన 825 కిలోల పేస్ట్ను స్వాధీనం చేసుకున్నారు. ఈ సరుకు విలువ రూ.4.5 లక్షలు ఉంటుందని పోలీసులు తెలిపారు. కాగా.. ఇమ్రాన్ సలీం గతంలో ఇలాగే పలుమార్లు కల్తీ అల్లం వెల్లుల్లి పేస్ట్ తయారుచేసి పోలీసులకు చిక్కాడు. జైలుకు వెళ్లొచ్చినా అతని తీరు మారలేదు.
