ఖమ్మం కార్పొరేషన్, వెలుగు: పోలీసుల ఆధ్వర్యంలో ఈనెల 21న ఎస్ బీఐటీ ఇంజినీరింగ్కాలేజీలో జాబ్మేళాకు నిర్వహిస్తున్నట్లు ఖమ్మం సీపీ విష్ణు వారియర్తెలిపారు. శుక్రవారం ఆయన మీడియాతో మాట్లాడారు. నిరుద్యోగ యువతకు ప్రైవేట్, కార్పొరేట్ కంపెనీల్లో ఉపాధి కల్పించడమే లక్ష్యంగా ఈ జాబ్మేళా నిర్వహిస్తున్నట్లు చెప్పారు. 14వేల మంది నిరుద్యోగులు పేర్లు నమోదు చేసుకున్నారన్నారు. 140 కంపెనీల్లో 8150 మందికి ఉద్యోగ, ఉపాధి అవకాశాలు కల్పించేందుకు అవకాశముందన్నారు. టెన్త్నుంచి డిగ్రీ, పీజీ వరకు చదివినవారికి కూడా ఉద్యోగ, ఉపాధి కల్పించనున్నారని తెలిపారు.
ఎంపికైన వారికి రూ.10వేల నుంచి రూ.80వేల వరకు వేతనాలు వచ్చే అవకాశం ఉందన్నారు. సాఫ్ట్, కమ్యూనికేషన్ స్కిల్స్ఉన్నవారికి అధిక శాలరీ ఆఫర్ ఇచ్చేందుకు కంపెనీలు సిద్ధంగా ఉన్నాయన్నారు. అనేక కంపెనీలు వస్తున్నందున కనీసం10 రెస్యూమ్లతో సిద్ధంగా ఉండాలని సూచించారు. సమావేశంలో అడిషనల్ డీసీపీ సుభాశ్చంద్రబోస్, ఏసీపీలు గణేశ్, బస్వారెడ్డి, రామోజీ రమేశ్, రెహమాన్, ప్రసన్నకుమార్, వెంకటేశ్వర్లు, వెంకటస్వామి, సీఐ తుమ్మా గోపి పాల్గొన్నారు.
