- రూ.3.50 లక్షల సరుకు సీజ్
గచ్చిబౌలి, వెలుగు: వెస్ట్ బెంగాల్ నుంచి హైదరాబాద్కు హెరాయిన్ తీసుకొచ్చి అమ్ముతున్న ముగ్గురు యువకులను రంగారెడ్డి జిల్లా ఎక్సైజ్టాస్క్ఫోర్స్ పోలీసులు అరెస్ట్ చేశారు. నిందితుల నుంచి రూ.3.50 లక్షల విలువైన 70 గ్రాముల సరుకును స్వాధీనం చేసుకున్నారు. వెస్ట్బెంగాల్లోని మాల్దా జిల్లాకు చెందిన అజ్మల్ హుస్సేన్(32), నూర్ ఆజంఖాన్(24) హఫీజ్పేట్లో తాత్కాలికంగా నివాసం ఉంటున్నారు. వీరి ప్రాంతానికే చెందిన సురోజ్(24) నానక్రాంగూడ లేబర్కాలనీలో ఉంటూ స్థానికంగా కూలీ పనులు చేస్తున్నాడు.
అజ్మల్, ఆజంఖాన్ తమ సొంతూరులో ఇటీవల ఓ వ్యక్తి వద్ద 70 గ్రాముల హెరాయిన్ను గ్రాముకు రూ.వెయ్యి చొప్పున కొనుగోలు చేశారు. అనంతరం దీనిని సురోజ్కు గ్రాముకు రూ.5 వేల చొప్పున అమ్మేందుకు ఈ నెల 4న సిటీకి వచ్చారు. పక్కా సమాచారంతో వీరి ముగ్గురిని బుధవారం సాయంత్రం నానక్రాంగూడ అపోలో హాస్పిటల్సమీపంలో పోలీసులు అరెస్ట్ చేశారు. సురోజ్ నానక్రాంగూడతో పాటు ఐటీ కారిడార్లోని ఐటీ ఉద్యోగులకు ఎక్కువ ధరకు హెరాయిన్ అమ్మి సొమ్ము చేసుకునేందుకు ప్లాన్చేసినట్లు పోలీసులు తెలిపారు.
4 కిలోల గంజాయి సీజ్
హైదరాబాద్ సిటీ: సరూర్నగర్‌, శేరిలింగంపల్లి, మల్కాజిగిరి ప్రాంతాల్లో ఎస్టీఎఫ్ టీమ్‌ వేర్వేరుగా తనిఖీలు చేసి, 4.36 కేజీల గంజాయిని స్వాధీనం చేసుకుంది. సరూర్నగర్‌ పరిధి మల్లాపూర్లో గంజాయి అమ్ముతున్న ఒడిశాకు చెందిన కూన సేవ్ను పోలీసులు అరెస్ట్ చేశారు. అతని నుంచి1.53 కేజీల గంజాయి, రెండు సెల్‌ ఫోన్లను స్వాధీనం చేసుకున్నారు.
నిందితుడు కోణార్క్‌ ఎక్స్‌‌‌‌‌‌‌‌‌‌‌‌‌‌‌‌ప్రెస్లో ఒడిశాకు వెళ్లి, సిటీకి గంజాయి తీసుకొచ్చి అమ్ముతున్నట్లు గుర్తించారు. మరో కేసులో శేరిలింగంపల్లి పరిధి మియాపూర్లోని ఓ ఇంట్లో గంజాయి నిల్వ చేశారన్న సమాచారంతో దాడి చేశారు. అస్సాంకు చెందిన భరత్‌ భూయ్యా ఇంట్లో1.230 గ్రాముల సరకుతోపాటు గంజాయి మొక్కలను గుర్తించారు. నిందితుడిని శేరిలింగంపల్లి ఎక్సైజ్ పోలీసులకు అప్పగించారు. అలాగే మల్కాజిగిరి పరిధి నేరెడ్మెట్లోని వినాయకనగర్లో వహిమా బేగం వద్ద 1.60 కిలోల గంజాయిని స్వాధీనం చేసుకున్నారు. ఆమెకు గంజాయి సరఫరా చేస్తున్న షాన్‌‌‌‌‌‌‌‌‌‌‌‌‌‌‌‌వాజ్‌ పరారీలో ఉన్నాడు.
