భద్రాద్రికొత్తగూడెం, వెలుగు : నిషేధిత చైనా మాంజా అమ్మకాలపై కొత్తగూడెం డీఎస్పీ ఆధ్వర్యంలో పోలీస్ అధికారులు గురువారం స్పెషల్ డ్రైవ్ నిర్వహించారు. పట్టణంలోని పెద్ద బజార్, చిన్న బజార్లతో పాటు పలు ప్రాంతాల్లో పతంగులు అమ్మే షాపులపై తనిఖీలు నిర్వహించారు. చైనా మంజా అమ్మకాలు సాగిస్తున్న షాపుల వద్ద నుంచి మాంజా 30 బండిల్స్, థ్రెడ్ రోల్స్ 10 ప్యాకెట్లు, 14 బండిల్స్ మంజాను స్వాధీనం చేసుకొని సీజ్ చేసినట్టుగా డీఎస్పీ రెహమాన్ తెలిపారు. పట్టుకున్న మంజా విలువ రూ. 9,100 ఉంటుందన్నారు. ఇద్దరిపై కేసు నమోదు చేశామని తెలిపారు. ఈ ప్రోగ్రాంలో కొత్తగూడెం త్రీ టౌన్ సీఐ శివ ప్రసాద్, ఎస్సైలు పురుషోత్తం, జి. మస్తాన్, పోలీస్ సిబ్బంది పాల్గొన్నారు.
చండ్రుగొండలో తనిఖీలు..
చండ్రుగొండ : చండ్రుగొండ లోని మెయిన్ సెంటరులో పతంగులు విక్రయించే పలు షాపులను ఎస్సై శివరామకృష్ణ తనిఖీ చేశారు. నిషేధిత మంజా అమ్మితే చర్యలు తప్పవని హెచ్చరించారు.
