జడ్చర్ల, వెలుగు: ఉదండాపూర్ నుంచి జడ్చర్లకు ఫిల్టర్ ఇసుకను తరలిస్తున్న 10 టిప్పర్లను జడ్చర్ల పోలీ సులు పట్టుకున్నారు. ఉదండాపూర్ రిజ ర్వాయర్లో ఫిల్టర్ ఇసుక తయారు చేస్తున్నారనే సమాచారంతో ఇసుక తయారీ కేంద్రాలపై పట్టణ సీఐ ఆదిరెడ్డి సిబ్బందితో కలిసి దాడులు నిర్వహించారు. ఫిల్టర్ ఇసుక తరలిస్తున్న 10 టిప్పర్లను పట్టుకొని స్టేషన్ కు తరలించి కేసులు నమోదు చేశారు.
ఎమ్మెల్యే అనిరుధ్రెడ్డి ఇసుక అక్రమ రవాణాపై సీరియస్గా ఉండాలని ఆదేశించడంతో, రెండు రోజుల కింద అల్వాన్పల్లి శివవారులోని దుందుభి వాగు నుంచి ఇసుక తరలిస్తున్న ట్రాక్టర్లను పోలీసులు పట్టుకున్నారు. ఇసుక అక్రమ రవాణ చేస్తే కఠిన చర్యలు తప్పవని, అవసరమైతే పీడీ యాక్ట్ నమోదు చేస్తామని హెచ్చరించారు.
