కంచ గచ్చిబౌలి వ్యవహారం జాతీయస్థాయిలో దుమారం రేపిన సంగతి తెలిసిందే.ఈ అంశాన్ని సీరియస్ గా తీసుకున్న సుప్రీంకోర్టు, తెలంగాణ హైకోర్టు స్టే విధించడంతో కంచ గచ్చిబౌలి అటవీ నిర్ములనలో ప్రభుత్వం వెనక్కు తగ్గింది. ఈ క్రమంలో హైదరాబాద్ పోలీసులు కీలక నిర్ణయం తీసుకున్నారు... అటవీ నిర్మూలనకు వ్యతిరేకంగా భారీ నిరసనల నేపథ్యంలో శుక్రవారం ( ఏప్రిల్ 4 ) నుండి అమలులోకి వచ్చేలా కదలికలపై ఆంక్షలు విధించారు హైదరాబాద్ పోలీసులు.
హెచ్ సీయుకు ఆనుకొని ఉన్న కంచ గచ్చిబౌలి లో ఉన్న 400 ఎకరాల భూమి పై తెలంగాణ హైకోర్టు , సుప్రీం కోర్టు ఆంక్షలున్న క్రమంలో నిషేధిత ప్రాంతంలో ఎవరైనా ప్రవేశించినా చట్టరీత్యా చర్యలు తప్పవని పేర్కొన్నారు పోలీసులు. శాంతి భద్రతలకు విఘాతం కలిగించేలా వ్యవహరించినా , అల్లర్లు చేసినా , విధినిర్వహణకు భంగం కలిగించేలా వ్యవహరించినా చర్యలు తీసుకుంటామంటామని తెలిపారు పోలీసులు.
►ALSO READ | ఇదేం ఇందిరమ్మ రాజ్యం.. ఇలా ఎంత మందిపై కేసులు పెడ్తరు.?: హరీశ్ రావు
కాగా.. కంచ గచ్చి బౌలి భూముల పరిష్కారం కోసం కమిటీని ఏర్పాటు చేసింది ప్రభుత్వం .ఈ భూమిలో BNSS సెక్షన్ 163 ప్రవేశపెట్టింది ప్రభుత్వం. ప్రభుత్వ ఆదేశాలు ఉల్లంఘించినవారిపై చర్యలు తీసుకుంటామని తెలిపారు పోలీసులు.
