యాదాద్రి, వెలుగు : రైస్ మిల్లులో భారీగా పీడీఎస్ బియ్యం దొరికాయి. యాదాద్రి జిల్లా వలిగొండ మండలం రెడ్లరేపాకకు చెందిన పంతంగి రాజుకు రైస్ మిల్లులో చుట్టు పక్కల గ్రామాల నుంచి పీడీఎస్రైస్ తక్కువ రేటుకు కొని స్టోర్చేస్తున్నాడు. సివిల్సప్లయ్డిపార్ట్మెంట్కు చెందిన కొందరి అధికారుల అండతో రాజు పీడీఎస్ బియ్యం కొనుగోలు చేసి ఇతర ప్రాంతాలకు తరలిస్తున్నాడు.
ఈనెల 1 నుంచి రేషన్షాపుల్లో ఇస్తున్న పీడీఎస్ బియ్యాన్ని పలువురు వద్ద రాజు కొనుగోలు చేసి తన రైస్ మిల్లులో దాచాడు. బ్యాగుల్లో ప్యాక్ చేసి లారీలో (ఏపీ 22, డబ్ల్యూ-9699) లోడ్చేస్తుండగా సమాచారం అందడంతో మంగళవారం పోలీసులు దాడి చేసి 240 క్వింటాళ్ల పీడీఎస్ బియ్యాన్ని స్వాధీనం చేసుకుని రాజుపై కేసు నమోదు చేశారు.
