- ఇద్దరిపై కేసు నమోదు
తాండూరు, వెలుగు: నాటు సారాపై పోలీసులు ఉక్కు పాదం మోపుతున్నారు. తాండూరులోని ఓ షాపులో చేపట్టిన తనిఖీల్లో 6.48 క్వింటాళ్ల నల్ల బెల్లాన్ని పోలీసులు స్వాధీనం చేసుకున్నారు. తొలుత పెద్దెముల్ మండలం మదనంతాపూర్ తండాలో నేనావత్ శంకర్ వద్ద 2 లీటర్ల సారాను ఆదివారం ఉదయం ఆబ్కారీ అధికారులు పట్టుకున్నారు.
సారా తయారీకి వినియోగించే బెల్లాన్ని ఎక్కడికి నుంచి తీసుకువస్తున్నారని విచారించగా, తాండూరులోని గురు రమేశ్ జై భవాని దుకాణం నుంచి తీసుకొస్తున్నట్లు చెప్పాడు. దీంతో సదరు దుకాణంలో తనిఖీలు చేయగా, 6.48 క్వింటాల్ల బెల్లం పట్టుబడినట్లు ఎక్సైజ్ సీఐ బాల గంగాదర్ తెలిపారు. నిందితులిద్దరిపై కేసు నమోదు చేసినట్లు పేర్కొన్నారు.
