కొత్తగూడెం: పౌరహక్కుల సంఘం అధ్యక్షుడు లక్ష్మణ్, కార్యదర్శి నారాయణను పోలీసులు అరెస్టు చేశారు. వారితోపాటు మరో ఎనిమిది మందిని కూడా అదుపులోకి తీసుకున్నారు. ఈ నెల 5న భద్రాద్రి కొత్తగూడెం జిల్లా రఘునాథపాలెంలో జరిగిన ఎన్ కౌంటర్ లో ఆరుగురు మావోయిస్టులు చనిపోయారు. దీనికి సంబంధించి ఎన్కౌంటర్పై నిజనిర్ధారణకు రఘునాథపాలం ఫారెస్ట్ ఏరియాకు వెళ్తుండగా మణుగూరులో పోలీసులు వారిని అడ్డుకొని, అదుపులోకి తీసుకున్నారు.
అక్కడి నుంచి అవారిని శ్వాపురం పీఎస్కు తరలించి, గేటుకు తాళాలు వేసి భారీ భద్రత ఏర్పాటు చేశారు. పోలీసుల తీరుపై పౌర హక్కుల నేతల మండిపడ్డారు. పౌర హక్కుల నేతలను అరెస్ట్లతో ప్రజాస్వామ్యాన్ని ఖూనీ చేస్తుందని ఆరోపించారు. ఎన్కౌంటర్ వాస్తవాలు తెలుసుకునేందుకు వెళ్తుంటే అక్రమంగా పోలీసులు అరెస్ట్లు చేయడం దారుణమన్నారు.
తెల్లవారుజాము నుంచి భారీ బందోబస్తు..
పౌర హక్కుల నేతలు కాల్పుల ఏరియాకు వెళ్తున్నారని సమాచారంతో పోలీసులు అలెర్ట్ అయ్యారు. ఇవాళ తెల్లవారుజాము నుంచి పినపాక నియోజకవర్గ పోలీసులు బందోబస్తు చేపట్టారు. ఏడు మండలాల్లో చెక్ పోస్ట్లు ఏర్పాటు చేసి, రాకపోకలు సాగించే వాహనాలను ఆపి, ప్యాసింజర్ల వివరాలను అడిగి తెలుసుకున్నారు. చెక్ పోస్ట్ల వద్ద భారీగా పోలీసులు మోహరించారు.
