- రజకులు సామాజిక సేవకులు
ఖైరతాబాద్, వెలుగు: రజకులు నిరంతర సామాజిక సేవకులని ఓయూ జేఏసీ ఉపాధ్యక్షుడు గొంపల శ్రీనివాస్అన్నారు. ప్రజలకు ఎంతో సేవ చేసినా రజకులపై ప్రభుత్వం చిన్నచూపు చూస్తున్నదన్నారు. సోమాజిగూడ ప్రెస్క్లబ్లో బుధవారం తెలంగాణ రాష్ట్ర రజక ముఖ్యనాయకుల సమావేశంలో ఆయన మాట్లాడారు.
గత ప్రభుత్వ హయాంలో రజకుల ఆత్మగౌరవ భవనం నిర్మాణానికి ఉప్పల్లో 2 ఎకరాల స్థలం కేటాయించారన్నారు. అయితే, భవన నిర్మాణానికి ఇప్పటివరకు పునాది పడలేదన్నారు. సామాజిక, ఆర్థిక, రాజకీయ రంగంలో తమకు ఎలాంటి ప్రాధాన్యత ఇవ్వలేదన్నారు. ‘మేమెంతో మాకంత’ అనే నినాదంతో ముందుకు వెళ్తామన్నారు.
ముఖ్యంగా రజక ఫెడరేషన్కు రూ.వెయ్యి కోట్లు కేటాయించాలని డిమాండ్ చేశారు. గ్రామాల్లో ఇప్పటికీ రజకులు బహిష్కరణకు గురవుతున్నారని, ప్రభుత్వం తమ సమస్యల పట్ల స్పందించాలని కోరారు. సమావేశంలో రజక సంఘం నాయకులు పోషం వెంకన్న, అభహేందర్, శేఖర్, శివకుమార్, మురళి పాల్గొన్నారు.
