నిజామాబాద్, వెలుగు : ఈసారి జరగనున్న లోక్సభ ఎన్నికల్లో నిజామాబాద్నియోజకవర్గం నుంచి పోటీ చేస్తున్న మూడు ప్రధాన పార్టీల అభ్యర్థులు ఎవరికి వారే విజయబావుటా ఎగురేస్తామనే ధీమాతో ఉన్నారు. బీజేపీ క్యాండిడేట్ధర్మపురి అర్వింద్, కాంగ్రెస్ నుంచి పోటీ చేస్తున్న జీవన్రెడ్డి, బీఆర్ఎస్ పక్షాన నిలబడ్డ బాజిరెడ్డి గోవర్ధన్తమ బలాబలాలను బేరీజు వేసుకుంటూ కాన్ఫిడెంట్గా ముందుకు సాగుతున్నారు. మారిన తాజా రాజకీయ పరిణామాలతో పాటు ఇటీవల జరిగిన అసెంబ్లీ ఎన్నికల్లో పొందిన ఓట్లను కూడా పరిగణలోకి తీసుకుంటున్నారు. ఎన్నికలకు మరో రెండు వారాల టైం ఉన్నందున నెగిటివ్ అంశాలను పాజిటివ్గా మార్చుకోవడానికి ప్లాన్ వేస్తున్నారు. ఏడు అసెంబ్లీ నియోజకవర్గాల్లో బీఆర్ఎస్ మూడు, బీజేపీ రెండు, కాంగ్రెస్ రెండు స్థానాల్లో గెలవడంతో నిజామాబాద్ ఫైట్ టఫ్గా మారే అవకాశం ఉంది.
మోదీ క్రేజ్...రామ్మందిర నిర్మాణం
2019 ఎన్నికల్లో అప్పటి సీఎం కేసీఆర్ బిడ్డ కవితను ఓడించి సంచలన విజయం నమోదు చేసిన ధర్మపురి అర్వింద్ఇప్పుడు రెండోసారి పోటీ చేస్తున్నారు. ఎంపీగా ఐదేండ్లలో పొందిన రాజకీయ అనుభవం ఈసారి ఆయనకు కలిసి వచ్చే అవకాశం ఉంది. అయితే, మొన్నటి అసెంబ్లీ ఎన్నికల్లో ఈ పార్లమెంట్పరిధిలో ఓట్ల విషయంలో చూసుకుంటే బీజేపీ మూడో స్థానంలో నిలిచింది. అయినా, అసెంబ్లీ ఎన్నికలు...పార్లమెంట్ఎన్నికలు వేరని, దీన్ని లెక్కలోకి తీసుకోవాల్సిన అవసరం లేదని అర్వింద్ అంచనా వేస్తున్నారు. ప్రధాని మోదీ క్రేజ్, అయోధ్యలో రామమందిర నిర్మాణం తప్పక ఓట్లు తెచ్చిపెడతాయనే భరోసాతో ఉన్నారు. కేంద్ర ప్రభుత్వం పసుపు బోర్డు ప్రకటన చేయడంతో రైతులు తనవైపే నిలుస్తారని, జిల్లాలో ఐదు చోట్ల కీలకమైన రైల్వే ఓవర్బ్రిడ్జిల నిర్మాణానికి తోడు యూత్ లీడర్గా ఫైర్ బ్రాండ్ఇమేజ్ ప్లస్ పాయింట్లుగా భావిస్తున్నారు. మైనారిటీ ఓట్లపై ఏ మాత్రం నమ్మకం పెట్టుకోని అర్వింద్ యూత్ ఓట్లు ఆ లోటును భర్తీ చేస్తాయని విశ్వసిస్తున్నారు. ప్రత్యర్థుల ఫెయిల్యూర్స్తనకు ఓట్లుగా మారతాయనే నమ్మకంతో ఉన్నారు. అర్బన్, ఆర్మూర్ఎమ్మెల్యేలు ధన్పాల్ సూర్యనారాయణ, పైడి రాకేశ్రెడ్డి అదనపు బలంగా మారినా...పార్టీలోని కొందరు లీడర్లు అర్వింద్కు సహకరించకుండా పరోక్షంగా ఆయన ఓటమి కోసం ప్రయత్నిస్తున్నారన్న ఆరోపణలున్నాయి. అర్వింద్ దుందుడుకు శైలి కారణంగా పార్టీలో కొంత క్యాడర్ ఆయనకు సహకరించడం లేదు.
పట్టు బిగించిన కాంగ్రెస్
అసెంబ్లీ ఎన్నికల్లో గెలిచి అధికారం చేపట్టిన కాంగ్రెస్పార్లమెంట్ఎన్నికల్లోనూ విజయం సాధించాలనే పట్టుదలతో పక్కా ప్లాన్ ప్రకారం ముందుకెళ్తోంది. నిజామాబాద్ పార్లమెంట్ స్థానంలో అభ్యర్థి పేరు ప్రకటించడానికి కాంగ్రెస్ హైకమాండ్ భారీ కసరత్తు చేసింది. పార్టీలోని అందరి అభిప్రాయాలు తీసుకుని సీనియర్ లీడర్ టి.జీవన్రెడ్డిని బరిలో నిలిపింది. రాజకీయాల్లో సుదీర్ఘ అనుభవంగల అయనకు పార్లమెంట్ఎన్నికల సమన్వయకర్తగా..అదే స్థాయిలోని మాజీ మంత్రి సుదర్శన్రెడ్డి వ్యవహరిస్తున్నారు.
పార్టీ క్యాడర్ను కలుపుకొని ప్లాన్ రూపొందించి ముందుకు సాగుతున్నారు. అధికారంలోకి రావడంతో పార్టీ గ్రౌండ్ లెవెల్లో బాగా బలపడిందనే ధీమాతో అభ్యర్థి జీవన్రెడ్డి ఉన్నారు. రోజూ పార్టీలోకి వస్తున్న ఇతర పార్టీల లీడర్లు, కార్యకర్తలతో కాంగ్రెస్ మరింత పటిష్టంగా మారుతోంది. బోధన్, ఆర్మూర్, జగిత్యాల మున్సిపాలిటీల్లో కాంగ్రెస్ జెండా ఎగరడం, మార్క్ఫెడ్, డీసీసీబీ, ఐడీసీఎంఎస్లు కాంగ్రెస్ ఖాతాలో చేరడం, ప్లస్గా మారనుంది. లోకల్ బాడీ లీడర్లు దాదాపు కాంగ్రెస్ పక్షానే ఉన్నారు. పార్లమెంట్ సెగ్మెంట్లో పురుషులకు సమానంగా ఉన్న మహిళా ఓటర్లు తమ వైపు నిలబడతారనే ధీమా కాంగ్రెస్లో ఉంది. ఆరు గ్యారెంటీలలో ఆర్టీసీ ఫ్రీ బస్జర్నీ స్కీం, రూ.500 వంట గ్యాస్ సిలిండర్ కలిసి వస్తాయనే నమ్మకంతో ఉన్నారు.
ప్రజాపాలనలో విన్నవించుకున్న సమస్యలు పరిష్కారం కావాలంటే తమ పార్టీనే గెలిపించాలని ఓటర్లు డిసైడ్ అయ్యారని సర్వేలో తేలిందని ఆ పార్టీ లీడర్లు చెప్తున్నారు. బోధన్, మెదక్, మెట్పల్లి నిజాం చక్కెర ఫ్యాక్టరీల రీ ఓపెన్కు విధించిన కట్ఆఫ్ డేట్ కూడా కార్మికులు, రైతులను ఆ పార్టీకి చేరువ చేసింది. పార్లమెంట్సెగ్మెంట్లో ఫలితాలను ప్రభావం చేయగల శక్తి ఉన్న మైనారిటీలు ఈసారి కాంగ్రెస్కు అండగా నిలబడడం కలిసొచ్చే అంశం. మరోవైపు బీజేపీ అభ్యర్థి అర్వింద్, బీఆర్ఎస్ క్యాండిడేట్గోవర్ధన్ఒకే సామాజిక వర్గం కావడంతో ఓట్లు చీలి తనకు బెనిఫిట్అవుతుందని జీవన్రెడ్డి అనుకుంటున్నారు.
కేసీఆర్నే నమ్ముకున్న బాజిరెడ్డి
పోలీస్ పటేల్గా పనిచేసి యువకుడిగా రాజకీయాల్లోకి వచ్చిన ఆర్మూర్ సెగ్మెంట్ సిరికొండ ప్రాంతానికి బాజిరెడ్డి గోవర్ధన్ వ్యక్తిగతంగా జిల్లా ప్రజలకు సుపరిచితుడు. రెండుసార్లు నక్సలైట్ల తుపాకీ దాడులను ఎదుర్కొన్న ఆయనకు 90వ దశకంలో యూత్లీడర్గా మాస్ ఫాలోయింగ్ ఉండేది. ఆర్మూర్, బాన్స్వాడ, రూరల్ అసెంబ్లీ సెగ్మెంట్ల నుంచి గెలిచిన అరుదైన రికార్డు ఉంది.
ప్రత్యేక పరిస్థితుల్లో మొదటిసారి ఆయన బీఆర్ఎస్ నుంచి పార్లమెంట్బరిలో నిలిచారు. ఈ పార్లమెంట్ పరిధిలోని ఏడు అసెంబ్లీ నియోజకవర్గాల్లో బీఆర్ఎస్ మూడు సీట్లు గెలవడం కలిసివచ్చే అంశం. ఒక తరం ఓట్లతో పాటు తన సామాజిక వర్గం తన వెంట ఉన్నారన్న నమ్మకాన్ని పెట్టుకున్న గోవర్ధన్ గెలుపు భారాన్ని మొత్తం అధినేత కేసీఆర్పైనే వేశారు. అసెంబ్లీ ఎన్నికల తర్వాత బీఆర్ఎస్ క్రమంగా ఉనికి కోల్పోవడం, ఆయన రాజకీయాలపై కొడుకుల ఆధిపత్యం బాజిరెడ్డికి మైనస్గా మారే అవకాశం ఉంది.
