ఎర్రుపాలెం, వెలుగు: ఏదైనా జాతీయ పార్టీలోనే చేరతానని, ఈ నెలాఖరులోగా ఆ పార్టీ ఏదో వెల్లడిస్తానని పొంగులేటి శ్రీనివాస్ రెడ్డి చెప్పారు. శనివారం ఖమ్మం జిల్లా ఎర్రుపాలెం మండల కేంద్రంలో పొంగులేటి క్యాంపు ఆఫీస్ప్రారంభోత్సవం సందర్భంగా ఆయన మాట్లాడారు. కేసీఆర్ మాయమాటలు నమ్మి తెలంగాణ ప్రజలు రెండుసార్లు మోసపోయారని అన్నారు. తెలంగాణ రాష్ట్రం ఏర్పడితే ప్రజల ఆకాంక్షలు నెరవేరతాయనుకుంటే కేసీఆర్కుటుంబసభ్యులకు మాత్రమే న్యాయం జరిగిందన్నారు. ఇటీవల కురిసిన అకాల వర్షాలకు పంట నష్టపోయిన రైతులకు ఎకరానికి రూ. 10 వేలు ఇస్తామని చెప్పిన కేసీఆర్నేటికీ అందించలేదన్నారు. రైతుల రుణమాఫీ అమలు ఊసే లేకుండా పోయిందన్నారు. ఈసారి కేసీఆర్ మాయమాటలు నమ్మొద్దన్నారు.
