హైదరాబాద్, వెలుగు: రాహుల్ గాంధీ పై కేటీఆర్ కామెంట్లను ఖండిస్తున్నానని మంత్రి పొన్నం ప్రభాకర్ అన్నారు. కేటీఆర్ హుందాగా వ్యవహరించాలని సూచించారు. రాష్ట్ర పాలనలో రాహుల్ గాంధీ ప్రస్తావన తేవడం కేటీఆర్ అవివేకానికి నిదర్శనమని ఒక ప్రకటనలో పేర్కొన్నారు. ‘‘అసలు మూసీపై బీఆర్ఎస్ పార్టీ వైఖరి ఏంటో చెప్పాలి. మూసీ బాధితులకు ప్రత్యామ్నాయం చూపకుండా ఒక ఇల్లు కూడా కూల్చం. పేదల పార్టీ కాంగ్రెస్. రాష్ట్రాన్ని అన్ని రంగాల్లో అభివృద్ధి చేసేందుకు కృషి చేస్తాం’’ అని పొన్నం సూచించారు.
