అనారోగ్యం కారణంగా గత ఐదు వారాలుగా ఆస్పత్రిలో చికిత్స పొందుతున్న పోప్ ఫ్రాన్సిస్ డిశ్చార్జ్ అయ్యారు. రోమ్ నగరంలోని గెమెల్లీ యూనివర్సిటీ ఆస్పత్రిలో పొందుతున్న ఆయనను ఆదివారం (మార్చి 23) వైద్యులు డిశ్చార్జ్ చేశారు. న్యుమోనియా కారణంగా ఫిబ్రవరి 14 న ఆస్పత్రిలో అడ్మిట్ అయిన ఫ్రాన్సిస్ కోలుకున్నారని ఈ సందర్భంగా వైద్యులు తెలిపారు.
తనను చూసేందుకు హాస్పిటల్ కు వచ్చినవారికి వీల్ చైర్ లోనే ఉండి అభివాదం చేశారు పోప్. అందరికీ కృతజ్ఞతలు అని తెలిపారు. ఆ తర్వాత మధ్యాహ్నం హాస్పిటల్ నుంచి భారీ భద్రత నడుమ వాటికన్ సిటీలోని కాసా సాంట మార్ట హోమ్ కు తీసుకెళ్లారు.
ఎయిర్ స్ట్రైక్ కు ఇజ్రాయెల్ ముగింపు పలకాల్సిందిగా పిలుపు:
ఆస్పత్రి నుంచి డిశ్చార్జ్ అయ్యాక పోప్ ముందుగా గాజా స్ట్రిప్ అంశంపై స్పందించారు. గాజాపై ఇజ్రాయెల్ బాంబుల వర్షం ఆపాలని, వేల మంది అమాయకులు బలి అవుతున్నారని, ఈ యుద్ధం వెంటనే ఆపాల్సిందిగా కోరారు. కాల్పుల విరమణను పాటించాలని, శాంతి చర్చలు జరగాలని సూచించారు.
ALSO READ : అమెరికాలో దారుణం.. ఇండియాకు చెందిన తండ్రీకూతురితో తాగుబోతు గొడవ.. గన్తో ఇద్దరినీ కాల్చేశాడు..
గాజా స్ట్రిప్ లో మానవత్వపు ఛాయలు మళ్లీ పరిమళించాలని, మారణహోమం ఆగాలని పిలుపునిచ్చారు. అంతర్జాతీయంగా ఈ యుద్ధానికి ముగింపు పలికేందుకు చర్యలు తీసుకోవాలని సూచించారు.
