- తగ్గుతున్న యువత..పెరుగుతున్న వృద్ధులు
- జిన్పింగ్ సర్కారును కలవరపెడుతున్న జనాభా క్షీణత
- జపాన్, సౌత్కొరియా, ఇటలీనీ వేధిస్తున్న సమస్య
బీజింగ్: జనాభా వేగంగా తగ్గడంతోపాటు అధిక మంది వృద్ధాప్యానికి చేరుకోవడంతో ప్రపంచంలోని చాలా దేశాలు సవాళ్లను ఎదుర్కొంటున్నాయి. ముఖ్యంగా చైనా జనాభాలో భారీ క్షీణత కనిపించింది. వరుసగా మూడో సంవత్సరం కూడా తమ దేశ జనాభా తగ్గినట్టు డ్రాగన్కంట్రీ శుక్రవారం వెల్లడించింది. 2024 చివరి నాటికి దేశ జనాభా 1,408 బిలియన్ల (దాదాపు 140.8 కోట్లు) వద్ద ఉన్నదని, మూడేండ్లలో 14 లక్షలు తగ్గినట్టు పేర్కొన్నది. ఈ ఏడాది ఆ దేశంలో జననాల రేటు కాస్త పెరిగినా.. జనాభా పెరుగుదలపై పెద్దగా ప్రభావం చూపలేదు. కాగా, చైనాలో వృద్ధుల జనాభా పెరుగుతుండగా.. పని చేసే యువ జనాభా సంఖ్య తగ్గుతూ రావడం జిన్పింగ్ సర్కారును ఆందోళనకు గురిచేస్తున్నది.
చాలా దేశాల్లోనూ ఇదే పరిస్థితి
చైనాతోసహా ఆసియా, తూర్పు యూరప్‌ దేశాల్లోనూ జనాభా వేగంగా తగ్గుతున్నది. జపాన్లో గత 15 ఏండ్లుగా జనాభా రేటు పడిపోతున్నది. 2021 నుంచి సౌత్ కొరియాలో జనాభా వృద్ధి రేటులో తగ్గుదల కనిపిస్తున్నది. ఇటలీలో 19 శతాబ్దం తర్వాత మొదటిసారిగా జననాల సంఖ్య 400,000 కంటే తక్కువకు పడిపోయింది. దీంతో చాలా దేశాలు పిల్లలను కనేవారికి ప్రోత్సాహకాలను ప్రకటిస్తున్నాయి. జననాల రేటును పెంచాలని ఇటీల దేశస్థులకు పోప్ఫ్రాన్సిస్ పదే పదే సూచిస్తున్నారు. మరో వైపు చైనాను అధిగమించి భారత్‌ ప్రపంచంలోనే అత్యధిక జనాభా కలిగిన దేశంగా అవతరించింది. నిరుడు ఇండియా జనాభా 142.86 కోట్లకు పెరిగింది. చైనా జనామాభా మాత్రం 140 కోట్లకే పరిమితమైంది.
