యాపిల్ ప్రొడక్ట్స్ వాడేవాళ్లకు ఇది బెస్ట్ గాడ్జెట్. దీంతో యాపిల్ ఫోన్, వాచ్, ఇయర్బడ్స్ని ఒకేసారి చార్జ్ చేసుకోవచ్చు. దీన్ని పోర్ట్‌‌‌‌రోనిక్స్ కంపెనీ ‘ఫ్రీడమ్ ఫోల్డ్–3’ పేరుతో తీసుకొచ్చింది. ఇది చార్జర్లా మాత్రమే కాకుండా ఫోన్ స్టాండ్లా కూడా పనిచేస్తుంది. 15-వాట్స్ వరకు వైర్‌‌‌‌లెస్ అవుట్‌‌‌‌పుట్‌ ఇస్తుంది. ఇయర్ బడ్స్, వాచ్ లాంటివి చార్జ్ చేసినప్పుడు వాటి సపోర్ట్ని బట్టి 12, 10, 7.5, 5, 2.5 వాట్స్కి తగ్గించి కూడా సప్లై చేస్తుంది.
ఐఫోన్ 12తోపాటు ఆ తర్వాత వచ్చిన అన్ని మోడల్స్కి సపోర్ట్ చేస్తుంది. ఐఫోన్14ని గంటలో 40 శాతం చార్జ్ చేయగలదు. ఈ చార్జింగ్ స్టాండ్ని హై క్వాలిటీ పీయూ లెదర్‌‌‌‌తో తయారు చేశారు. మన్నికగా ఉండడంతోపాటు లుక్ కూడా బాగుంటుంది. నాన్ స్లిప్ డిజైన్ వల్ల చార్జింగ్ పెట్టినప్పుడు ఫోన్ సేఫ్గా ఉంటుంది. దీని బరువు కేవలం 200 గ్రాములు మాత్రమే. దీన్ని బ్యాగ్, ప్యాకెట్లో కూడా పెట్టుకుని తీసుకెళ్లొచ్చు.
ధర : రూ. 1,617
