హైదరాబాద్, వెలుగు : అంతర్జాతీయ పౌల్ట్రీ ప్రదర్శన “16వ పౌల్ట్రీ ఇండియా ఎక్స్‌‌‌‌‌‌‌‌పో- 2024” ను ఈ నెల 27–29 తేదీ మధ్య నిర్వహిస్తున్నట్టు ఇండియన్ పౌల్ట్రీ ఎక్విప్‌‌‌‌‌‌‌‌మెంట్ మాన్యుఫాక్చరర్స్ అసోసియేషన్ (ఐపీఈఎంఏ) వెల్లడించింది. హైదరాబాద్‌‌‌‌‌‌‌‌లోని హైటెక్స్ ఎగ్జిబిషన్ కాంప్లెక్స్‌‌‌‌‌‌‌‌లో ఇది జరుగుతుంది. దీనికి ముందు రోజు హోటల్ నోవాటెల్(ఎచ్ఐసీసీ)లో నాలెడ్జ్ డే టెక్నికల్ సెమినార్ ఉంటుంది.
దాదాపు 50కి పైగా దేశాల నుంచి సుమారు 400 మంది ప్రదర్శకులు ఇందులో పాల్గొనే అవకాశం ఉంది. కోళ్ళ పరిశ్రమ రైతులు, ప్రభుత్వ అధికారులు, పరిశ్రమల ఇంటిగ్రేటర్లు, ప్రపంచ పౌల్ట్రీ నిపుణులు సహా దాదాపు 40 వేల మంది సందర్శకులు ఎక్స్పోకు రావొచ్చని అంచనా.
