కామారెడ్డి, వెలుగు : పౌల్ర్టీ ఫార్మర్స్ అసోసియేషన్ తరపున అసెంబ్లీ ఎన్నికల్లో కామారెడ్డిలో 100 నామినేషన్లు వేయనున్నట్లు ఓన్ ఫార్మర్స్ పౌల్ర్టీ అసోసియేషన్ ప్రతినిధులు ప్రకటించారు. కామారెడ్డిలో గురువారం అసోసియేషన్ ఆధ్వర్యంలో ఆత్మీయ సమ్మేళనం నిర్వహించారు. ఇందులో పాల్గొన్న అసోసియేషన్ స్టేట్ ప్రెసిడెంట్ వెంకట్రెడ్డి, జిల్లా ప్రెసిడెంట్ వెంకట్రావు, ఇంటిగ్రేటెడ్ ఫార్మర్స్ అసోసియేషన్ ప్రెసిడెంట్ శ్రీనివాస్రెడ్డి మాట్లాడుతూ కార్పొరేట్కు చెందిన వాళ్లే రేట్లు నిర్ణయిస్తుండడంతో పౌల్ర్టీ రైతులకు అన్యాయం జరుగుతోందన్నారు.
పౌల్ర్టీ రంగాన్ని వ్యవసాయానికి అనుసంధానం చేయాలన్నారు. ఫ్రీ కరెంట్సప్లయ్ చేయాలని డిమాండ్ చేశారు. ప్రభుత్వం కొనుగోలు చేసే మక్కలను పౌల్ర్టీకి 28 శాతం సబ్సిడీతో ఇవ్వాలన్నారు. డిమాండ్ల సాధన కోసం విడతల వారీగా100 నామినేషన్లు వేస్తామన్నారు. ప్రతినిధులు విఠల్రెడ్డి, చంద్రకాంత్, రాము పాల్గొన్నారు.
