ఆర్మూర్, వెలుగు : ప్రభుత్వ హాస్పిటల్స్ లో నిరంతరం వైద్యసేవలు అందించే విధంగా అభివృద్ధి చేయాలని ప్రభుత్వాన్ని పీవో డబ్ల్యూ జిల్లా ఉపాధ్యక్షురాలు సత్తెమ్మ, పీవైఎల్ జిల్లా అధ్యక్షుడు అనీష్ కోరారు. శుక్రవారం ఆర్మూర్లో ప్రైవేట్ హాస్పిటల్స్ లో ఫీజుల దోపిడీని అరికట్టాలని, ప్రభుత్వ హాస్పిటల్స్ ను బలోపేతం చేయాలని డిమాండ్ చేస్తూ పీవైఎల్, పీవోడబ్ల్యూ ఆధ్వర్యంలో వాల్ పోస్టర్లను ఆవిష్కరించారు.
ఈ సందర్భంగా వారు మాట్లాడుతూ.. ప్రభుత్వ హాస్పిటల్స్లో సరిపడా సిబ్బంది లేక సామాన్య ప్రజలకు వైద్యం అందడం లేదన్నారు. ప్రైవేటు హాస్పిటల్స్లో వైద్యం చేయించుకునే ఆర్థిక స్తోమత లేక వారు ఇబ్బందులు పడుతున్నారని చెప్పారు. ప్రైవేటు హాస్పిటల్స్లో ఫీజుల నియంత్రణకు ప్రభుత్వం చర్యలు చేపట్టాలని కోరారు. కార్యక్రమంలో నాయకులు జి.పద్మ, ఎన్.లక్ష్మి, బట్టు రవి, మనోజ్, గంగాధర్, శ్రీనివాస్ పాల్గొన్నారు.
