- రాష్ట్రవ్యాప్తంగా పవర్ ఎంప్లాయీస్ జేఏసీ నిరసనలు
హైదరాబాద్, వెలుగు : రామగుండం పవర్ ప్లాంట్ను సింగరేణి, జెన్కో జాయింట్వెంచర్గా నిర్మించాలని తీసుకున్న నిర్ణయాన్ని వ్యతిరేకిస్తూ పవర్ఎంప్లాయీస్ జేఏసీ ఆందోళన చేపట్టింది. ఉద్యోగులు రాష్ట్ర వ్యాప్తంగా ఉన్న విద్యుత్ సంస్థల వద్ద బ్యానర్లు, ప్లకార్డులు పట్టుకుని నిరసనల్లో పాల్గొన్నారు. ఈ సందర్భంగా సింగరేణితో జాయింట్ వెంచర్ ఒప్పుకునేది లేదని జేఏసీ నేతలు స్పష్టం చేశారు. రామగుండం ప్లాంట్ ను ప్రభుత్వ రంగ సంస్థ అయిన జెన్కోకే కేటాయించాలని డిమాండ్ చేశారు. జాయింట్ వెంచర్ను నిరసిస్తూ.. గత నెల 26 నుంచి విద్యుత్ సంస్థల్లో ఉద్యోగులందరు నల్లబ్యాడ్జీలతో నిరసనలు చేస్తున్నారు.
జెన్ కో విద్యుత్ కేంద్రాల్లో మూడు రోజుల పాటు గేట్మీటింగ్ లు పెట్టిన జేఏసీ.. శుక్రవారం నుంచి రెండు రోజుల పాటు విద్యుత్ కేంద్రాలు, కార్పొరేట్ ఆఫీసులు, ట్రాన్స్కో సర్కిల్ కార్యాయాలు, డిస్కంల సర్కిల్, డివిజనల్ ఆఫీసులలో లంచ్అవర్ లో నిరసనలు చేపట్టింది. విద్యుత్సౌధలో జరిగిన నిరసన కార్యక్రమంలో జేఏసీ నేతలు సదానందం, కర్రొళ్ల కిశోర్, వెంకట నారాయణరెడ్డి, బాలకృష్ణ, నగేశ్.. మింట్ కాంపౌండ్లో జరిగిన ఆందోళనలో జేఏసీ కన్వీనర్ రత్నాకర్రావు, కోకన్వీనర్ బీసీ రెడ్డి, జనప్రియ, వేణు, ఈశ్వర్దాస్ తదితరులు పాల్గొన్నారు.
