కూసుమంచి, వెలుగు : పాలేరు మినీ హైడల్ కేంద్రంలో విద్యుత్ ఉత్పత్తిని నాగార్జున సాగర్ జెన్ కో సీఈ మంగేశ్కుమార్, పులిచింతల ఎస్ఈ దేశ్యా శుక్రవారం ప్రారంభించారు. ఈసందర్భంగా వారు మాట్లాడుతూ రెండు టర్భన్లు 1993 నాటివి కావడంతో అందులో ఒకటి పని చేయడం లేదన్నారు. దీనిని క్యాఫిటల్ ఓవర్ హాలింగ్కు బెంగళూర్కు పంపామని చెప్పారు.
మినీ హైడల్ కేంద్రంలో 2మోగావాట్ల విద్యుత్ ఉత్పత్తి సామర్థ్యం కలిగి ఉందన్నారు. పాలేరు జలాశయంలో నీటిమట్టం 18 అడుగులు ఉండి, చెరువు కాల్వ 8 అడుగులు ఉంటేనే విద్యుత్ ఉత్పత్తికి సహకరిస్తోందని చెప్పారు. ఈ కార్యక్రమంలో డీఈ నర్సింహారావు, ఏడీఈ పద్మజా, ఏఈ అఖిల్, సిబ్బంది పాల్గొన్నారు.
