చెన్నూరు వెలుగు: ఎమ్మెల్యే వివేక్ వెంకట స్వామి చొరవతో ముత్తరావుపల్లిలో కరెంట్కష్టాలు తీరాయి. ఎక్కువ లోడు కారణంగా చెన్నూరు మండలంలోని ముత్తరావుపల్లిలో నిత్యం కరెంట్కోతలు ఏర్పడుతుండగా.. విషయాన్ని స్థానికులు కొద్ది రోజుల క్రితం ఎమ్మెల్యే వివేక్ దృష్టికి తీసుకె ళ్లారు. వెంటనే స్పందించి ఆయన.. అదనంగా గ్రామంలో మరో ట్రాన్స్ఫార్మర్ను ఏర్పాటు చేయాలని విద్యుత్ అధికారులను ఆదేశించారు.
వెంటనే స్పందించిన అధికారులు ముత్తరపల్లిలో అదనంగా ట్రాన్స్ఫార్మర్ని ఏర్పాటు చేశారు. దీంతో ఆ గ్రామంలో కరెంటు కష్టాలు తీరాయి. దీంతో స్థానికులు ఆనందం వ్యక్తం చేస్తున్నారు. కోరిన వెంటనే అధికారులతో మాట్లాడి తమ సమస్యను పరిష్కరించిన ఎమ్మెల్యే వివేక్ వెంకటస్వామికి కృతజ్ఞతలు తెలిపారు
