జీడిమెట్ల, వెలుగు: జీడిమెట్ల రాంరెడ్డినగర్లో సోమవారం ఉదయం స్విచ్ గేర్ పరిశ్రమ వద్ద ఉన్న కరెంట్ పోల్ను గుర్తు తెలియని వాహనం ఢీ కొంది. దీంతో కాలనీలోని సగభాగం ఇండ్లకు విద్యుత్తు సరఫరా నిలిచిపోయింది. దీంతో స్థానికులు అధికారుల దృష్టికి తీసుకెళ్లారు. ఉదయం 9 గంటలకు ఘటన జరిగితే సోమవారం రాత్రి 10 గంటల వరకు కూడా విద్యుత్తు సరఫరాను పునరుద్ధరించలేదు.
కరెంట్ పోల్ ప్రమాదకరంగా పక్కకు ఒరిగిఉంది. దీంతో అధికారుల తీరుపై స్థానికులు ఆగ్రహం వ్యక్తం చేస్తున్నారు. ఈ విషయమై ఏడీఈ వీరేశలింగంను సంప్రదించగా, ఆదివారం రాత్రి వర్షం పడడంతో ఇంపార్ట్టెంట్పనులకు ప్రాధాన్యత ఇచ్చామన్నారు. పని ఒత్తిడితో సమస్య పరిష్కరించలేకపోయామని చెప్పారు.
