డార్లింగ్ హీరో ప్రభాస్ (Prabhas) హీరోగా సందీప్ రెడ్డి వంగా (Sandeep Reddy Vanga) తెరకెక్కిస్తున్న సినిమా స్పిరిట్ (Spirit). ఈ మూవీ షూటింగ్ డిసెంబర్ చివరి వారంలో ప్రారంభిస్తామని నిర్మాత భూషణ్ కుమార్ తెలిపారు.
పోలీస్ డ్రామాగా తెరకెక్కనున్న స్పిరిట్ మ్యూజిక్ సిట్టింగ్స్ ఇటీవలే ప్రారంభమయ్యాయి. 'భూల్ భూలయ్యా 3' ప్రమోషన్ ఇంటర్వ్యూలో భూషణ్ కుమార్ మాట్లాడుతూ.. 'ప్రస్తుతం స్పిరిట్ పనుల్లో బిజీగా ఉన్నాం. నటీనటుల ఎంపిక ఇంకా ఖారారు కాలేదు. నటీనటుల ఎంపికను త్వర లోనే ప్రారంభించి.. షూటింగ్ పనులు మొదలుపెడతాం. డిసెంబర్ చివరలో షూటింగ్ మొదలు పెట్టేందుకు ప్రయత్నిస్తున్నాం'అని చెప్పారు.
దీపావళి సందర్భంగా మ్యూజిక్ పనులు మొదలు పెట్టారు. మ్యూజిక్ కంపోజర్ హర్షవర్ధన్ రామేశ్వర్ సోషల్ మీడియాలో ఓ పోస్ట్ చేశారు. ఇందులో సందీప్ రెడ్డి వంగా మ్యూజిక్ వింటూ కనిపించారు. స్పిరిట్ చిత్రంతో ప్రభాస్ తొలిసారిగా ఖాకీ డ్రెస్లో కనిపించనున్నారు. ఇందులో బాలీవుడ్ జోడీ కరీనా కపూర్, సైఫ్ అలీఖాన్ కీలక పాత్రలు పోషిస్తున్నారని హాట్ టాపిక్ గా మారింది.
Also Read:-ఆ సమంత ఎక్కడ?.. అలా మా కోసం మళ్లీ రావాలి!
నిజానికి సందీప్ రెడ్డి వంగా సినిమాలో హీరోలు యాటిట్యూడ్ అండ్ షార్ట్ టెంపర్ గా ఉంటారు. అదే మెయిన్ హైలెట్ అవుతుంది.ఇప్పుడు ప్రభాస్ కోసం కూడా అదే రేంజ్ క్యారెక్టర్ డిజైన్ చేసి ఉంటాడని ఫ్యాన్స్ ఆశగా ఉన్నాడు. ప్రభాస్ కటౌట్ కి యాటిట్యూడ్ మిక్స్ అయితే ఆ అవుట్ ఫుట్ ఏ రేంజ్ లో ఉంటుందో చెప్పడం చాలా కష్టం. అలాంటి హీరో పాత్రను ఢీ కొట్టాలంటే..ఎలాంటి కటౌట్ ఉంటే బాగుంటుందనే విషయంపై సందీప్ ఇంటర్నేషనల్ వైడ్ యాక్టర్స్ ను సెలెక్ట్ చేసే పనిలో ఉన్నట్లు తెలుస్తోంది.
అంతేకాదు ప్రభాస్ అండ్ సందీప్ రెడ్డి వంగాకు ఉన్న క్రేజ్కి వెయ్యి కోట్ల టార్గెట్ అంటే తక్కువే. అనుకున్న రేంజ్లో గనుక స్పిరిట్ వచ్చిందంటే ఇండియా లెవల్లో ఏ స్టార్ కూడా కొట్టని రికార్డ్స్ కొట్టడం ఖాయం.
