యంగ్ రెబల్ స్టార్ ప్రభాస్ ప్రస్తుతం డేరింగ్ & డాషింగ్ డైరెక్టర్ సందీప్ రెడ్డి వంగ డైరెక్ట్ చేస్తున్న స్పిరిట్ సినిమాలో హీరోగా నటిస్తున్న విషయం తెలిసిందే. అయితే ఈ సినిమా అనౌన్స్ చేసి ఏడాది కావస్తున్నా సెట్స్ పైకి మాత్రం వెళ్లలేదు. కాగా ఇప్పటివరకూ ప్రభాస్ సలార్, కల్కి 2898AD సినిమాలతో బిజీగా ఉండటంతో స్పిరిట్ సినిమాకి షెడ్యూల్ కేటాయించలేకపోయాడు. ఇప్పుడు ఈ రెండు సినిమాల షూటింగ్ పూర్తవడం, రిలీజ్ కూడా అయిపోవడంతో స్పిరిట్ కోసం సిద్ధం అవుతున్నాడు. ఇక ఇప్పటికే సందీప్ రెడ్డి స్పిరిట్ సినిమాకి సంబందించిన మ్యూజిక్, బీజీఎమ్ స్కోర్ పనులను పూర్తి చేసే పనిలో పడ్డాడు.
అయితే టాలీవుడ్ సినీ వర్గాల సమాచారం ప్రకారం స్పిరిట్ సినిమా షూటింగ్ ఈ ఏడాది డిసెంబర్ నెలలో స్టార్ట్ కానున్నట్లు తెలుస్తోంది. అలాగే ఇప్పటికే ఆలస్యం కావడంతో త్వరగతిన 5 నెలల్లోనే షూటింగ్ పూర్తి చేసేందుకు చిత్ర యూనిట్ ప్లాన్ చేస్తున్నట్లు సమాచారం. ఇక ప్రభాస్ హీరోగా నటిస్తున్న సలార్ 2, కల్కి 2 సినిమాల షూటింగ్ కూడా వచ్చే ఏడాది సెప్టెంబర్ తర్వాత ఉండనుంది. దీంతో ఈలోపు ప్రభాస్ తన పూర్తి టైం మరియు షెడ్యూల్ ని సందీప్ రెడ్డి స్పిరిట్ కోసం కేటాయించనున్నట్లు సమాచారం.
ALSO READ | Bigg Boss: హౌస్లో ఇది గమనించారా.. ఎలిమినేట్ అయ్యేది అంతా తెలుగు వాళ్లే.. ఈ వారం కూడా!
ఈ విష్యం ఇలా ఉండగా స్పిరిట్ సినిమాలో ప్రభాస్ సూపర్ కాప్ పోలీస్ పాత్రలో నటిస్తున్నాడు. అలాగే ఈ సినిమాలో బాలీవుడ్ స్టార్ కపుల్ సైఫ్ అలీఖాన్ , కరీనా కపూర్ కూడా కీలక పాత్రల్లో నటిస్తున్నారు. ఇక ప్రముఖ మ్యూజిక్ డైరెక్టర్ హర్షవర్ధన్ రామేశ్వర్ సంగీతం అందిస్తున్నాడు.
