వరుస పాన్ ఇండియా సినిమాలతో బిజీగా ఉన్నాడు ప్రభాస్. ప్రస్తుతం మారుతి దర్శకత్వంలో ‘రాజా సాబ్’తో పాటు హను రాఘవపూడి రూపొందిస్తున్న చిత్రాన్ని కూడా పూర్తి చేసే పనిలో ఉన్నాడు. వీటి తర్వాత సందీప్ రెడ్డి వంగా డైరెక్షన్‌‌‌‌లో తెరకెక్కనున్న ‘స్పిరిట్’ మూవీ సెట్‌‌‌‌లో అడుగుపెట్టనున్నాడు. మార్చి నెలలో పూజా కార్యక్రమాలతో ఈ చిత్రాన్ని ప్రారంభించి మేలో రెగ్యులర్ షూటింగ్ స్టార్ట్ చేసేలా సన్నాహాలు చేస్తున్నారు.
ఫస్ట్ షెడ్యూల్‌‌‌‌ను ఇండోనేషియా రాజధాని జకార్తాలో షూట్ చేయనున్నారట. అక్కడ కొన్ని ఇంపార్టెంట్ సీన్స్‌‌‌‌తో పాటు సాంగ్స్‌‌‌‌ను చిత్రీకరించనున్నట్టు తెలుస్తోంది. అలాగే వచ్చే ఏడాది చివరికల్లా సినిమా రిలీజ్‌ చేయాలని భావిస్తున్నారట. ఈ హై ఓల్టేజ్ యాక్షన్ ఎంటర్‌‌‌‌‌‌‌‌టైనర్‌‌‌‌‌‌‌‌లో ప్రభాస్ డ్యూయెల్‌ రోల్ పోషించనున్నాడని, అందులో ఒకటి పవర్‌‌‌‌‌‌‌‌ఫుల్ పోలీస్ ఆఫీసర్‌ పాత్రలో కనిపించనున్నాడని ఇప్పటికే రివీల్ చేశారు.
ప్రభాస్‌‌‌‌ను ఎప్పుడూ చూడని కోణంలో ఇందులో చూపించబోతున్నట్టు డైరెక్టర్ సందీప్ రెడ్డి చెప్పడంతో సినిమాపై మరింత క్యూరియాసిటీ పెరిగింది. ఇతర నటీనటులు, టెక్నీషియన్స్ వివరాలను త్వరలోనే ప్రకటించనున్నారు. మరోవైపు ప్రభాస్‌‌‌‌కు కల్కి2, సలార్2 కమిట్‌‌‌‌మెంట్స్ ఉన్నాయి. త్వరలోనే ఇవి కూడా సెట్స్‌‌‌‌కు వెళ్లనున్నాయి.
