జనసేన అధినేత పవన్ కళ్యాణ్, నటుడు ప్రకాశ్ రాజ్ మధ్య సెటైర్లు,కౌంటర్లు మళ్ళీ మొదలయ్యాయి. కొన్ని రోజులుగా సైలెంట్ గా ఉన్న ప్రకాశ్ రాజ్ లేటెస్ట్ గా పవన్ కళ్యాణ్ హిందీపై చేసిన వ్యాఖ్యలకు తన ఎక్స్ లో కౌంటర్ ఇచ్చారు. మీ హిందీ భాషను మా మీద రుద్దకండి, అని చెప్పడం ఇంకో భాషను ద్వేషించడం కాదు, స్వాభిమానంతో మా మాతృభాషను, మా తల్లిని కాపాడుకోవడం అని పవన్ కళ్యాణ్ కు ఎవరైనా చెప్పండి ప్లీజ్ జస్ట్ ఆస్కింగ్ అని అని ప్రకాశ్ రాజ్ బదులిచ్చారు.
పవన్ ఏమన్నారంటే.?
పిఠాపురం నియోజికవర్గంలోని చిత్రాడలో జనసేన 11వ ఆవిర్భావ సభలో త్రిభాషా విధానంపై పవన్ కళ్యాణ్ మాట్లాడారు. ప్రస్తుతం కొందరు హిందీ భాషపై గగ్గోలు పెడుతున్నారని తమిళనాడు సీఎం స్టాలిన్ ను ఉద్దేశించి అన్నారు. తమిళ సినిమాలు హిందీలో డబ్ చేయొద్దన్నారు. హిందీ భాష వద్దు కానీ..వాళ్ల డబ్బులు కావాలా? అని ప్రశ్నించారు పవన్. భారతదేశానికి బహుభాషా విధానమే మంచిది అని.. తమిళనాడు సహా అన్ని రాష్ట్రాలకు ఒకే సిద్ధాంతం ఉండాలన్నారు . దేశ ఐక్యత కోసం బహుభాషా విధానం ఉండాలని అన్నారు. రూపాయి సింబల్ మార్చడమేంటి? అని ప్రశ్నించారు. త్రిభాషా సూత్రంపై దేశవ్యాప్తంగా చర్చ జరుగుతున్న క్రమంలో పవన్ కళ్యాణ్ వ్యాఖ్యలు ప్రాధాన్యత సంతరించుకున్నాయి.
Also Read : జనసేన జన్మస్థలం తెలంగాణే
ఇటీవల తిరుమల లడ్డూ,సనాతన ధర్మంపై పవన్ కళ్యాణ్ చేసిన వ్యాఖ్యలకు ప్రకాశ్ రాజ్ కౌంటర్ ఇచ్చారు. మళ్లీ ఇపుడు త్రిభాషా విధానంపై పవన్ కు కౌంటర్ ఇచ్చారు.
