బీహార్లో ఎన్నికలు సమీపిస్తున్న వేళ పేపర్లీకేజ్వ్యవహారం దుమారం రేపుతోంది. ఎన్నికల వ్యూహకర్త, జన్సూరజ్ పార్టీ అధినేత ప్రశాంత్ కిషోర్అమరణ నిరాహార దీక్ష దిగారు. బీహార్ పబ్లిక్ సర్వీస్ కమిషన్ (BPSC) పరీక్షలు రద్దు చేయాలని డిమాండ్ చేస్తూ.. నిరుద్యోగులతో కలిసి పాట్నాలోని గాంధీ మైదాన్ లో గాంధీ విగ్రహం వద్ద నిరాహార దీక్షకు కూర్చున్నారు. BPSC పరీక్ష ద్వారా భర్తీ చేయాల్సిన పోస్టుల కోసం వేల కోట్ల రూపాయలు చేతులు మారినట్లు తమ దగ్గర సమాచారం ఉందని BPSC 2024 పరీక్షలు రద్దు చేయాలని డిమాండ్ చేస్తూ గత కొంతకాలంగా అభ్యర్థులు నిరసనలు వ్యక్తం చేస్తున్నారు.
బీహార్ రాష్ట్ర ప్రభుత్వం BPSC 2024 ఎగ్జామ్ నిర్వహించింది. 900 కేంద్రాల్లో నిర్వహించిన ఈ ఎగ్జామ్స్ కు దాదాపు ఐదు లక్షల మంది అభ్యర్థులు హాజరయ్యా రు. అయితే పాట్నాలోని ఓ ఎగ్జామ్ సెంటర్ లో ప్రశ్నపత్రాలు లీకయ్యారని పరీక్షను బహిష్కరించి ఆందోళనకు దిగారు.
ALSO READ | కుక్కే తన ప్రపంచం.. అది లేని జీవితం వద్దనుకున్నాడు
ఎగ్జామ్స్ ప్రశ్నాపత్రాల లీకేజీపై స్పందించిన బీహార్ ప్రభుత్వం...పేపర్ లీకైన సెంటర్ లో ఎగ్జామ్స్ రాసిన అభ్యర్థులకు మాత్రమే తిరిగి పరీక్షలు నిర్వహిస్తామని ప్రకటించింది.. అయితే అభ్యర్థులు అభ్యంతరం చెప్పారు. ఇది లెవెల్ ప్లేయింగ్ ఫీల్డ్ సూత్రానికి విరుద్దమని.. అభ్యర్థులందరికీ బీపీఎస్సీ మళ్లీఎగ్జామ్స్ నిర్వహించాలని డిమాండ్ చేస్తూ ఆందోళనకు దిగారు.
నిరుద్యోగులకు మద్దతుగా ఆమరణ నిరాహార దీక్ష చేస్తున్న ప్రశాంత్ కిషోర్ మాట్లాడుతూ.. బీపీఎస్సీలో అవినీతి రాజ్యమేలుతోంది.. ఎగ్జామ్స్ నిర్వహణకు ముందే అన్ని పోస్టులు అమ్ముకున్నారు.. కోట్ల రూపాయలు చేతులు మారాయని ఆరోపించారు.
