తమ పార్టీ అధికారంలోకి వస్తే..బీహార్లో తక్షణమే మద్య నిషేధాన్ని రద్దు చేస్తానని ప్రశాంత్కిషోర్ ప్రజలకు హామీ ఇచ్చారు. జన్ సూరజ్పార్టీ ప్రారంభోత్సవం సందర్భంగా రాజకీయ వ్యూహకర్త ప్రశాంత్కిషోర్ పలు కీలక విషయాలపై మాట్లాడారు.
బీహార్ లో మద్య నిషేధం వల్ల ప్రభుత్వానికి ఏటా 20వేల కోట్ల నష్టం వాటిల్లుతుందని అన్నారు. మద్యపాన నిషేధం ఎత్తివేస్తే ప్రభుత్వానికి నిధులు సమకూరుతాయి. వాటిని బీహార్ లో విద్యా వ్యవస్థను పటిష్టం చేసేందుకు వినియోగిస్తామన్నారు ప్రశాంత్ కిషోర్. రాబోయే 10 యేళ్లలో బీహార్లో ప్రపంచస్థాయి విద్యావ్యవస్థను నెలకొల్పేందుకు 5లక్షల కోట్లు అవసరం ఉందన్నారు ప్రశాంత్ కిషోర్.
Also Read :- బిడ్డను కరిచిందని..కుక్కను కిరాతకంగా చంపాడు
రెండేళ్ల క్రితం 2022 మే5న జన్సూరజ్పార్టీ ఏర్పాటు చేశాం..అప్పటినుంచి ప్రజల్లో క్రియాశీలకంగా పనిచేస్తున్నాం.. ఇటీవల జన్సూరజ్పార్టీకి కేంద్ర ఎన్నికల సంఘం ఆమోదం లభించిందన్నారు ప్రశాంత్కిషోర్.
గత లోక్ సభలో ఎన్నికల్లో ప్రజలు అహంకారాన్ని సహించరని రుజువైంది. ప్రజలు దేన్నయినా తట్టుకుంటారు గానీ అహంకారాన్ని కాదు.. అది బీజేపీ అయినా,, కాంగ్రెస్ అయినా, ప్రాంతీయ పార్టీలైనా.. ఎక్కడ చూసినా ప్రజలు అహంకారాన్ని అతివిశ్వాసంపై గుర్రుగా ఉన్నారని ప్రశాంత్ కిషోర్ అన్నారు.
ఏ నాయకుడైనా వాటిని తేలికగా తీసుకోకూడదని స్పష్టమైన మేసేజ్ ని పంపారని ప్రశాంత్ కిషోర్అన్నారు. పోల్ ఫలితాలు రాహుల్ గాంధీ కాంగ్రెస్నాయకత్వంపై వచ్చిన ప్రశ్నలకు సమాధానం చూపించాయని.. అయితే దేశం రాహుల్ ను నాయకుడిగా అంగీకరించేందుకు ఇంకా కొంత సమయం పడుతుందన్నారు ప్రశాంత్ కిషోర్.
