![కలిసికట్టుగా.. బీజేపీ అభ్యర్థిని గెలుపించుకుందాం: ప్రతాప రామకృష్ణ](https://static.v6velugu.com/uploads/2023/10/pratapa-ramakrishna-said-that-whoeve_GBjTbgqZHl.jpg)
వేములవాడ, వెలుగు : బీజేపీ వేములవాడ ఎమ్మెల్యే అభ్యర్థిగా పార్టీ ఎవరిని ప్రకటించినా అందరం కలిసి కట్టుగా గెలిపించుకుందాం అని ఆ పార్టీ జిల్లా అధ్యక్షుడు ప్రతాప రామకృష్ణ అన్నారు. అదివారం పట్టణంలోని భీమేశ్వర గార్డెన్స్లో వేములవాడ అసెంబ్లీ 256 బూత్ కమిటీ అధ్యక్షులతో సమావేశం నిర్వహించారు. ఈ సందర్భంగా లీడర్లు మాట్లాడుతూ బీజేపీ బలంగా ఉందని, ఇప్పటికే ప్రజలు మార్పు కోరుకుంటున్నారని చెప్పారు.
బీఆర్ఎస్ గత ఎన్నికల్లో అనేక హామీలు ఇచ్చి, నెరవేర్చలేదని విమర్శించారు. బీఆర్ఎస్ పై ప్రజల్లో తీవ్ర వ్యతిరేకత ఉందని చెప్పారు. ఎలాగైనా స్థానికంగా బీజేపీని గెలిపించుకోవాలని పిలుపునిచ్చారు. ఈ కార్యక్రమంలో బీజేపీ లీడర్లు డా. వికాస్ రావు, తుల ఉమ, ఎర్రం మహేశ్, జిల్లా ఇన్చార్జి గంగాడి మోహన్ రెడ్డి, పార్లమెంట్ ఇన్చార్జి పల్లె గంగా రెడ్డి, అసెంబ్లీ ఇన్చార్జి బాలాగౌడ్, అసెంబ్లీ కన్వీనర్ మార్తా సత్తయ్య, జిల్లా ప్రధాన కార్యదర్శి రేగుల మల్లికార్జున్, సంతోష్ బాబు పాల్గొన్నారు.