టెట్ రాసేందుకు వచ్చిన ఓ గర్భిణి హై బీపీతో ఎగ్జామ్ హాల్లోనే కుప్పకూలి మరణించారు. శుక్రవారం సంగారెడ్డి జిల్లా పటాన్చెరులోని ఇస్నాపూర్లో ఈ ఘోరం చోటుచేసుకుంది. రంగారెడ్డి జిల్లా గచ్చిబౌలి, ఇందిరానగర్కు చెందిన రాధిక (32) శుక్రవారం టెట్ రాసేందుకు ఇస్నాపూర్లోని గురుకుల పాఠశాలకు వచ్చారు. 8 నెలల గర్భిణి అయిన రాధికను ఆమె భర్త అరుణ్బాబు బైక్పై తీసుకొచ్చారు.
ALSO READ: ఇప్పటికీ అసలైన చరిత్ర అర్థం చేసుకోలేదు
ఎగ్జామ్కు ఆలస్యమవుతుందేమోనని రాధిక హడావిడిగా లోపలికి వెళ్లారు. ఈ క్రమంలో బీపీ ఎక్కువై కూర్చున్న చోటే ఆమె కుప్పకూలిపోయింది. దీంతో భర్త అరుణ్ అక్కడ ఉన్న కానిస్టేబుల్ సాయంతో హాస్పిటల్కు తీసుకెళ్లాడు. అయితే అప్పటికే ఆమె మృతి చెందినట్లు డాక్టర్లు తెలిపారు. హై బీపీ కారణంగా ఇంటర్నల్ ఆర్గాన్స్ దెబ్బతిని బ్లీడింగ్ అయి, ఆమె చనిపోయిందని డాక్లర్లు తెలిపారు. రాధికకు ఇప్పటికే ఇద్దరు ఆడపిల్లలు ఉన్నారు.
