ఖగోళంలో సంభవించే మార్పులు, గ్రహాల కదలికలు, గ్రహణాలు వంటివి మనుషుల ఆరోగ్యంపై ప్రభావం చూపుతాయని పండితులు చెబుతున్నారు. కాబట్టి చంద్ర గ్రహణ సమయంలో గర్భిణీ స్త్రీలు ఎలాంటి జాగ్రత్తలు తీసుకోవాలో తెలుసుకోండి.
Also Read : 250 పాయింట్లు దాటిన గాలి నాణ్యత సూచీ.. ఢిల్లీలో దిగజారుతున్న పరిస్థితులు
గర్భిణీలకు జాగ్రత్తలు..
* గ్రహణ సమయంలో గర్భిణీ స్త్రీలు బయటకు వెళ్లకూడదని జ్యోతిష్య నిపుణులు సూచిస్తున్నారు.
* గ్రహణం కిరణాలు మీ ఇంటిలోకి ప్రవేశించకుండా.. మందపాటి కర్టెన్లతో కిటికీలను కప్పాలని నిపుణులు సూచిస్తున్నారు.
* గ్రహణ సమయంలో గర్భిణీ స్త్రీలు దైవనామ స్మరణ, శివనామ స్మరణ చేయాలి.
* గ్రహణ సమయంలో గర్భిణీలు నూనె రాసుకోవడం, నీరు త్రాగడం, మలమూత్ర విసర్జనలు చేయడం, జుట్టు దువ్వడం, పళ్ళు తోముకోవడం, లైంగిక కార్యకలాపాల్లో పాల్గొనడం కూడా నిషేధం.
* గర్భిణీ స్త్రీలు గ్రహణ సమయంలో ఎలాంటి పనులు చేయకూడదు, కేవలం విశ్రాంతి తీసుకోవాలి.
* గర్భిణీ స్త్రీలు గ్రహణ సమయంలో ఏదైనా గుడ్డను కత్తిరించడం లేదా.. కుట్టడం లాంటి పనులు చేయకూడదని చెబుతున్నారు.
* గర్భిణీలు గ్రహణ సమయంలో పదునైన వస్తువులు ఉపయోగించకూడదు.
* ఇతర కార్యకలాపాల్లో కూడా నిమగ్నం అవకూడదు.
* ఎందుకంటే ఈ చర్యలు శిశువుపై ఒక విధమైన ప్రభావాలను కలిగిస్తాయని పండితులు చెబుతున్నారు.
* గ్రహణ సమయంలో గర్భిణీలు అహార పదార్థలు ఏవైనా తాగకూడదు, తినకూడదు.
* గ్రహణం ముగిసిన తర్వాత స్నానం చేయాలి.
పైన పేర్కొన్న సూచనలు పాటించి.. గర్భిణీల ఆరోగ్యంతో పాటు వారికి పుట్టబోయే బిడ్డ శ్రేయస్సుకు సంబంధించిన కోణంలో ఆలోచించి ఈ నియమాలు పాటిస్తే మంచిదని జ్యోతిష్య నిపుణులు చెబుతున్నారు.
