అశ్వారావుపేట, వెలుగు : గవర్నమెంట్ హాస్పిటళ్లలో పనిచేస్తున్న కాంట్రాక్ట్ వర్కర్స్ కు పెండింగ్ వేతనాలు చెల్లించాలని భారత కార్మిక సంఘాల సమైఖ్య జిల్లా అధ్యక్షుడు మధుసూదన్ రెడ్డి ప్రభుత్వాన్ని డిమాండ్ చేశారు. ఆదివారం అశ్వారావుపేట గవర్నమెంట్ హాస్పిటల్ లో పనిచేస్తున్న కాంట్రాక్ట్ వర్కర్స్ సమస్యలపై వారితో ఆయన చర్చించారు. ఈ సందర్భంగా ఆయన మాట్లాడుతూ నెలనెలా వేతనాలు రాక కాంట్రాక్ట్ వర్కర్స్ తీవ్ర ఇబ్బందులు పడుతున్నారని తెలిపారు.
దీనిపై ప్రభుత్వం వెంటనే స్పందించి జీవో నంబర్ 60 ప్రకారం రెగ్యులర్గా ప్రతినెలా వేతనాలు చెల్లించాలని కోరారు. ఈ కార్యక్రమంలో ఆ సంఘం జిల్లా కోశాధికారి సతీశ్, కాంట్రాక్ట్ వర్కర్స్ రహమత్, నాగమణి, వెంకటేశ్వరరావు, స్వాతి, సుజాత, వెంకటకృష్ణ, సత్యనారాయణ, లక్ష్మి, అనూష తదితరులు పాల్గొన్నారు.
