వరంగల్సిటీ, వెలుగు: వరంగల్ ఏనుమాముల వ్యవసాయ మార్కెట్లో మిర్చి రేట్లు క్రమంగా పెరుగుతున్నాయి. రోజుకు రూ.100 నుంచి రూ.1,000 ల వరకు ధర పెరుగుతుండడంతో రైతులు సంతోషం వ్యక్తం చేస్తున్నారు. సోమవారం తేజా రకం క్వింటాకు రూ.18,800లు ఉండగా, మంగళవారం రూ.19,300 పలికింది. 341 రకం మిర్చి రూ.15,500 నుంచి రూ.17 వేలకు పెరిగింది. వండర్ హాట్ రకం క్వింటాకు రూ. 17,500 నుంచి18 వేలు పెరిగింది. ధరల పెరుగుదల ఇలాగే కొనసాగుతుందని వ్యాపారులు చెబుతుండడంతో రైతుల్లో ఆనందం వ్యక్తమవుతోంది.
