దేశ ప్రజల ఖాతాల్లోని సేవింగ్స్⁬ను పెంచే విధంగా బడ్జెట్ ఉంది: ప్రధాని మోదీ

న్యూఢిల్లీ: చట్ట సభల్లో కేంద్ర ఆర్థిక శాఖ మంత్రి నిర్మలా సీతారామన్ ప్రవేశపెట్టిన బడ్జెట్⁬పై ప్రధాని మోదీ స్పందించారు. ఇది ప్రజల బడ్జెట్ అని, దేశంలో పెట్టుబడులకు బూస్ట్⁬లా పనిచేస్తుందని ప్రధాని కొనియాడారు. ‘ఆత్మ నిర్భర్ భారత్’ దిశగా కేంద్ర బడ్జెట్ ఉందని ఆయన హర్షం వ్యక్తం చేశారు.

భారతదేశ కలలను బడ్జెట్ సాకారం చేస్తుందని ప్రధాని మోదీ ఆకాంక్షించారు. ఈ బడ్జెట్ లో ఎన్నో సంస్కరణలు తీసుకొచ్చామని, తయారీ రంగానికి ఎంతో ప్రాధాన్యత ఇచ్చామని మోదీ చెప్పారు. ఇది నూటికి నూరు శాతం అభివృద్ధి బడ్జెట్ అని ఆయన అభిప్రాయపడ్డారు. పొదుపు, పెట్టుబడులకు ఈ బడ్జెట్ ఊతమిస్తుందని ఆయన చెప్పారు.

ALSO READ | Union Budget 2025: ధరలు పెరిగేవి, తగ్గేవి ఇవే..

బడ్జెట్ అనగానే ప్రభుత్వ ఖజానాను నింపుకునే మార్గాలను అన్వేషించే విధంగా ఉంటుందని.. కానీ ఈ బడ్జెట్ అందుకు పూర్తి భిన్నమైందని మోదీ చెప్పుకొచ్చారు. దేశ పౌరుల ఖాతాల్లోని సేవింగ్స్⁬ను పెంచే విధంగా బడ్జెట్ ఉందని, దేశాభివృద్ధిలో దేశ పౌరులను భాగస్వామ్యులను చేసే విధంగా ఈ బడ్జెట్ ఉందని ప్రధాని మోదీ తెలిపారు.

న్యూక్లియర్ ఎనర్జీ రంగంలో ప్రైవేట్ సెక్టార్⁭ను ప్రోత్సహించేలా బడ్జెట్ ఉండటం చారిత్రక పరిణామమని చెప్పారు. దేశంలో టూరిజం రంగాన్ని ప్రోత్సహించేలా బడ్జెట్ నిర్ణయాలు ఉన్నాయని, ఉపాధిని పెంపొందించడంలో టూరిజం రంగం కీలక పాత్ర పోషించేందుకు ఈ పరిణామం ఎంతగానో కలిసొస్తుందని ప్రధాని మోదీ అభిప్రాయపడ్డారు.

#WATCH | On Union Budget 2025, Prime Minister Narendra Modi says "Today is an important milestone in India's development journey. This is the budget of aspirations of 140 crore Indians. This is a budget that fulfils the dreams of every Indian. We have opened many sectors for the… pic.twitter.com/qvEVYlVzj8