మూడు దేశాల పర్యటనలో భాగంగా భారత ప్రధానమంత్రి నరేంద్ర మోడీ పాపువా న్యూ గినియాలో బిజిబిజీగా ఉన్నారు. ఆదివారం (మే 21న) రాత్రి ఆ దేశానికి చేరుకున్న ప్రధాని మోడీ.. సోమవారం ఆ దేశ అగ్రనేతలతో ద్వైపాక్షిక సంబంధాలపై చర్చించారు. ఈ పర్యటనలో ప్రధాని మోడీకి రెండు దేశాలకు సంబంధించిన అత్యున్నత పురస్కారాలు లభించాయి. జపాన్‌ హిరోషిమాలో జరిగిన గ్రూప్ ఆఫ్ సెవెన్ (జి7) సమ్మిట్‌ను ముగించుకుని.. ప్రధానమంత్రి నరేంద్ర మోడీ పాపువా న్యూ గినియాలో పర్యటిస్తున్నారు.
పాపువా న్యూ గినియా పర్యటనలో ఉన్న ప్రధానమంత్రి నరేంద్ర మోడీకి ఫిజీ అత్యున్నత గౌరవ పురస్కారం లభించింది.. ప్రధాని మోడీ ప్రపంచ నాయకత్వాన్ని గుర్తించి ఫిజీ-కంపానియన్ ఆఫ్ ది ఆర్డర్ ఆఫ్ ఫిజీ-అత్యున్నత గౌరవాన్ని ఫిజీ ప్రధాని సితివేణి రబుకా ప్రదానం చేశారు. ఫిజియేతరులు అతి కొద్దిమంది మాత్రమే ఈ పురస్కరాన్ని అందుకోవడం విశేషం. వారిలో ప్రధాని మోడీ ఉన్నారు.
ఇదే పర్యటనలో ప్రధాని మోడీకి మరో పురస్కారం కూడా లభించింది. పాపువా న్యూ గినియా కూడా అత్యున్నత పురస్కారంతో ప్రధాని మోడీని గౌరవించింది. దీంతో భారతదేశానికి అపూర్వమైన గౌరవం లభించినట్లయింది.
పసిఫిక్ ద్వీప దేశాల ఐక్యతకు, గ్లోబల్ సౌత్ అభివృద్ధికి భారత నాయకత్వం వహించినందుకు గాను పాపువా న్యూ గినియా ప్రధానమంత్రి మోడీకి అత్యున్నత పురస్కారం లోగోహు ను ప్రదానం చేసింది. చాలా తక్కువ మంది ఈ అవార్డును అందుకున్నారు. వారిలో బిల్ క్లింటన్, ప్రధాని మోడీ లాంటి వారున్నారు.
ఫిజీ అత్యున్నత పురస్కారాన్ని ప్రధాని మోడీకి అందించిన వెంటనే.. పాపువా న్యూ గినియా కూడా తమ దేశ అత్యున్నత పురస్కారంతో ప్రధాని మోడీని గౌరవించింది.
పాపువా న్యూ గినియాలో ప్రధాని నరేంద్ర మోడీ సోమవారం ఉదయం టోక్ పిసిన్ భాషలో తమిళ క్లాసిక్ ‘తిరుక్కురల్‌’ను విడుదల చేశారు. టోక్ పిసిన్ భాషలో తిరుక్కురల్‌ పుస్తకాన్ని విడుదల చేసిన ఘనత పీఎం జేమ్స్ మరాపేకు దక్కిందని ప్రధాని నరేంద్ర మోడీ సోషల్ మీడియా ద్వారా తెలిపారు.
