- రేపు వర్చువల్ గా ప్రారంభించనున్న ప్రధాని
- ఈ కేంద్రాల్లో అంగన్ వాడీ, పీహెచ్ సీ, స్కూల్, స్కిల్ సెంటర్
- పీఎం జన్ మన్ కింద రాష్ట్రానికి 49 కేంద్రాలు కేటాయింపు
హైదరాబాద్, వెలుగు: పీఎం జన్మన్ స్కీం లో భాగంగా రాష్ట్రంలోని ట్రైబల్ ఏరియాల్లో నిర్మాణం పూర్తయిన ఏడు మల్టీ పర్పస్ సెంటర్లను ఈ నెల 15న బిర్సా ముండా 150వ జయంతి సందర్భంగా ప్రధాని నరేంద్ర మోదీ వర్చువల్ గా ప్రారంభించనున్నారు. ఈ మేరకు స్టేట్ ట్రైబల్ శాఖకు అధికారిక సమాచారం అందింది. రాష్ట్రంలోని ఉట్నూరు, ఆదిలాబాద్, అసిఫాబాద్, నాగర్ కర్నూల్ జిల్లాల్లో ఐటీడీఏ పరిధిలో మొత్తం 49 మంజూరు కాగా ఏడు పూర్తయినట్లు, మిగతా 42 నిర్మాణ దశలో ఉన్నట్లు ట్రైబల్ అధికారులు చెబుతున్నారు.
ఒక్కో సెంటర్ను రూ.60 లక్షల వ్యయంతో పీఎం జన్మన్లో భాగంగా కేంద్ర నిధులతో నిర్మించారు. ఈ సెంటర్ లో నాలుగు రూమ్స్, ఒక హాల్ ఉండగా ఇందులో అంగన్ వాడీ కేంద్రం, పీహెచ్ సీ, ప్రైమరీ స్కూల్, స్కిల్ సెంటర్ ఏర్పాటు చేస్తారు. దేశ వ్యాప్తంగా అన్ని రాష్ట్రాలకూ ఈ సెంటర్లను కేటాయించినా తెలంగాణలోనే వాటి నిర్మాణం పూర్తయిందని ట్రైబల్ అధికారులు చెబుతున్నారు.
