బోధన్,వెలుగు: బీజేపీ పట్టణ శాఖఆధ్వర్యంలో ప్రధాని నరేంద్రమోడీ 74వ జన్మదిన వేడుకలు ఘనంగా నిర్వహించారు. బీజేపీ ఆఫీసులో కేట్ కట్ చేసి ప్రధాని జన్మదిన శుభాకాంక్షలు తెలిపారు. గవర్నమెంట్ హాస్పిటల్లో రక్తదాన శిబిరం నిర్వహించారు. కార్యక్రమంలో పార్టీ పట్టణ అధ్యక్షుడు కొలిపాక బాలరాజు, జిల్లా కార్యదర్శి సుధాకర్ చారి, మున్సిపల్ ఫ్లోర్ లీడర్ మాసిని వినోద్, మాజీ కౌన్సిలర్ లు రామరాజు, ధర్మపురి , బోధన్ పట్టణ ప్రధాన కార్యదర్శులు అరవింద్, వాసు, సందీప్ తదితరులు పాల్గొన్నారు.
కామారెడ్డిటౌన్, వెలుగు: ప్రధాని నరేంద్రమోడీ జన్మదినం పురస్కరించుకొని మంగళవారం కామారెడ్డి జిల్లా కేంద్రంలో బీజేపీ ఆధ్వర్యంలో రక్తదాన శిబిరం నిర్వహించారు. జిల్లా హాస్పిటల్లో పలువురు బీజేపీ, బీజేవైఎం కార్యకర్తలు రక్తదానం చేశారు. కార్యక్రమంలో పార్టీ జిల్లా జనరల్ సెక్రటరీలు నరేందర్రెడ్డి, రవీందర్రావు తదితరులు పాల్గొన్నారు.
నిజామాబాద్, వెలుగు: ప్రధాని మోడీ జన్మదిన వేడుకలను మంగళవారం బీజేపీ నాయకులు ఘనంగా నిర్వహించారు. పార్టీ జిల్లా ఆఫీస్లో ఏర్పాటు చేసిన శిబిరంలో లీడర్లు, కార్యకర్తలు రక్తదానం చేశారు. జీజీహెచ్ హాస్పిటల్లో రోగులకు అన్నదానం, పండ్లు పంపిణీ చేశారు. అర్బన్ ఎమ్మెల్యే ధన్పాల్ సూర్యనారాయణ, పార్టీ జిల్లా ప్రెసిడెంట్ దినేష్, పల్లె గంగారెడ్డి, నాగోళ్ల లక్ష్మీనారాయణ, న్యాలం రాజు తదితరులు పాల్గొన్నారు.
