ఆర్మూర్, వెలుగు : ఆర్మూర్ టౌన్‌లోని గవర్నమెంట్ జూనియర్ కాలేజీలో చేరాలని కోరుతూ ప్రిన్సిపాల్‌ విజయానంద్‌రెడ్డి, లెక్చరర్లు మంగళవారం ప్రచారం నిర్వహించారు. ప్రైవేట్ కాలేజీలో కన్నా ప్రభుత్వ కాలేజీలో సౌకర్యాలు మెరుగ్గా ఉన్నాయని, నాణ్యమైన ఫ్యాకల్టీ ఉన్నారని ఆర్మూర్ టౌన్‌లోని జడ్పీ హైస్కూల్విద్యార్థులకు వివరించారు.
ప్రభుత్వం స్కాలర్‌‌షిప్స్, బుక్స్‌, హాస్టల్ సౌకర్యం కల్పిస్తోందని, విద్యార్థులు కాలేజీలో చేరాలని సూచించారు. లెక్చరర్లు రవి చంద్రశేఖర్, నరేశ్‌, సుభాశ్‌ పాల్గొన్నారు.
