టీమిండియా ఆటగాడు పృథ్వీ షా హర్టయ్యాడు. దేశవాళీ క్రికెట్ లో పరుగుల వరద పారిస్తున్నా..జాతీయ జట్టుకు ఎంపిక కాకపోవడంతో పృథ్వీ షా నిరాశకు గురైయ్యాడు. బీసీసీఐ సెలక్షన్ కమిటీ న్యూజిలాండ్, బంగ్లాదేశ్ టూర్లకు టీమిండియాను ఎంపిక చేయగా..అందులో పృథ్వీ షాకు చోటు దక్కలేదు. దీంతో నిరుత్సాహానికి లోనైన అతను...తన ఇన్‌స్టాగ్రామ్ స్టోరీలో ఓ పోస్ట్ చేశాడు. సాయి బాబా ఫొటో పోస్ట్ చేసిన పృథ్వీ షా...ఫొటోతో పాటు జరిగేదంతా మీరు చూస్తున్నారు సాయి బాబా అంటూ రాసుకొచ్చాడు.
షాపై నిఘా ...
న్యూజిలాండ్, బంగ్లాదేశ్ టూర్లకు పృథ్వీ షాను ఎంపిక చేయకపోవడంపై చీఫ్ సెలక్టర్ చేతన్ శర్మ స్పందించాడు. షాను బీసీసీఐ ఎప్పటికప్పుడు గమనిస్తుందని చెప్పాడు. ఫ్యూచర్లో అతనికి అనేక అవకాశాలు లభిస్తాయన్నాడు. ప్రస్తుతం టీమ్ సెటప్లో ఎక్కువ మంది ప్రదర్శన కనబరుస్తున్న వారికే అవకాశం ఇస్తున్నామన్నాడు.
జట్ల ఎంపిక
న్యూజిలాండ్, బంగ్లాదేశ్ పర్యటన కోసం బీసీసీఐ టీమిండియాను ఎంపిక చేసింది. న్యూజిలాండ్, బంగ్లాదేశ్ పర్యటనల కోసం మొత్తం నాలుగు జట్లను బీసీసీఐ సెలక్షన్ కమిటీ ప్రకటించింది. నవంబర్ 18 నుంచి న్యూజిలాండ్తో టీమిండియా 3 టీ20లు, 3 వన్డేలు ఆడనుంది. అలాగే 3 మ్యాచ్‌ల వన్డే సిరీస్ , 2 టెస్టుల సిరీస్ కోసం భారత జట్టు బంగ్లాదేశ్‌లో పర్యటించనుంది. ఈ జట్టును కూడా బీసీసీఐ ప్రకటించింది.
న్యూజిలాండ్తో సిరీస్ కోం టీమిండియా టీ20 జట్టు: హార్దిక్ పాండ్యా(కెప్టెన్),గిల్, ఇషాన్ కిషన్(వికెట్ కీపర్), దీపక్ హుడా, సూర్య కుమార్ యాదవ్, శ్రేయస్ అయ్యర్, పంత్(వికెట్ కీపర్, వైస్ కెప్టెన్),శాంసన్ (వికెట్ కీపర్), వాషింగ్టన్ సుందర్, చాహల్, కుల్దీప్, అర్ష్ దీప్ సింగ్, హర్షల్ పటేల్, సిరాజ్, భువనేశ్వర్ కుమార్, ఉమ్రన్ మాలిక్.
వన్డే టీమ్: ధావన్(కెప్టెన్), గిల్, దీపక్ హుడా, సూర్య కుమార్ యాదవ్, శ్రేయస్స్ అయ్యర్, పంత్(వికెట్ కీపర్),శాంసన్(వికెట్ కీపర్), వాషింగ్టన్ సుందర్, శార్దుల్ ఠాగూర్, షాబాద్ అహ్మద్, చాహల్, కుల్దీప్, అర్ష్ దీప్ సింగ్, దీపక్ చాహర్, కుల్దీప్ సేన్, ఉమ్రన్ మాలిక్.
బంగ్లాదేశ్ సిరీస్కు వన్డే జట్టు:రోహిత్ శర్మ(కెప్టెన్), కేఎల్ రాహుల్(వైస్ కెప్టెన్), ధావన్, కోహ్లీ, రజత్ పాటిదార్, శ్రేయస్ అయ్యర్, రాహుల్ త్రిపాఠీ, పంత్(వికెట్ కీపర్), ఇషాన్ కిషన్(వికెట్ కీపర్), జడేజా, అక్షర్ పటేల్, వాషింగ్టన్ సుందర్, శార్దుల్ ఠాగూర్, షమీ, సిరాజ్, దీపక్ చాహర్, యష్ దయాల్.
టెస్ట్ టీమ్: రోహిత్ శర్మ(కెప్టెన్), కేఎల్ రాహుల్(వైస్ కెప్టెన్), గిల్, పుజరా, కోహ్లీ, శ్రేయస్ అయ్యర్, పంత్(వికెట్ కీపర్), కేఎస్ భరత్(వికెట్ కీపర్), అశ్విన్, జడేజా, అక్షర్ పటేల్, కుల్దీప్,శార్దుల్ ఠాగూర్, షమీ, సిరాజ్, ఉమేష్ యాదవ్.
