- బస్సు డ్రైవర్ కు తీవ్ర గాయాలు
మునగాల, వెలుగు : కంటైనర్ ను వెనుక నుంచి ప్రైవేట్బస్సు ఢీకొట్టిన ఘటనలో డ్రైవర్కు తీవ్ర గాయలైన ఘటన మునగాల మండలం మొద్దుల చెరువు సమీపంలో గురువారం జరిగింది. పోలీసుల వివరాల ప్రకారం.. విజయవాడ నుంచి హైదరాబాద్ వైపు మోజో ప్రైవేట్ ట్రావెల్ బస్సు వెళ్తుంది. మార్గమధ్యలో మునగాల మండలం ముద్దుల చెరువు వద్దకు రాగానే కంటైనర్ ను బస్సు వెనకనుంచి ఢీకొట్టింది. దీంతో బస్సు డ్రైవర్ శ్రీనివాస్ క్యాబిన్ లో ఇరుక్కుపోయాడు.
స్థానికులు, ప్రయాణికులు సుమారు గంటపాటు శ్రమించి డ్రైవర్ను బయటకు తీశారు. తీవ్రంగా గాయపడ్డ డ్రైవర్ను చికిత్స నిమిత్తం అంబులెన్స్ లో సూర్యాపేట ఏరియా ఆస్పత్రికి తరలించారు. బస్సులో ఉన్న పలువురు ప్రయాణికులకు స్వల్ప గాయాలయ్యాయి. బస్సులో మొత్తం 40 మంది ప్రయాణికులు ఉన్నారు. ఎవరికీ ఏమీ కాకపోవడంతో అందరూ ఊపిరిపీల్చుకున్నారు. విషయం తెలుసుకున్న పోలీసులు ఘటనాస్థలానికి చేరుకొని పరిశీలించారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్ఐ ప్రవీణ్ కుమార్ తెలిపారు.
