- ఎన్వోసీ లేకున్నా యథేచ్ఛగా నిర్వహణ
- నామ్కే వాస్తే నోటీసులు ఇస్తున్న ఆఫీసర్లు
- కఠిన చర్యలు చేపట్టాలని డిమాండ్
నిజామాబాద్, వెలుగు: ఇటీవల హైదరాబాద్లో జరిగిన ఫైర్ యాక్సిడెంట్ నేపథ్యంలో ఉమ్మడి జిల్లాలోని ప్రైవేట్ హాస్పిటల్స్ లో ఫైర్ సెఫ్టీ పై ఆందో ళన వ్యక్తమవుతోంది. నిజామాబాద్, కామారెడ్డి జిల్లా కేంద్రాల్లో పలు ఆస్పత్రులు కనీస నిబంధనలు పాటించడం లేదని ఆరోపణలు వస్తున్నాయి. చాలా హాస్పిటళ్లలో ఫైర్ సేఫ్టీ పరికరాలు, వాటర్ఫెసిలిటీ కూడా లేక రోగులు ఇబ్బందులు పడుతున్నారు. సెఫ్టీ రూల్స్ చెక్ చేసి చర్యలు తీసుకోవాల్సిన ఆఫీసర్లు నామ్కే వాస్తే తనిఖీలు, నోటీసు లిచ్చి చేతులు దులుపుకుంటున్నారనే ఆరోపణలు వస్తున్నాయి. వచ్చే నెల ఎండాకాలం ప్రారంభం కానుండడం, అగ్నిప్రమాదాలు జరిగే అవకాశం ఉండడంతో అగ్నిమాపక శాఖ ఆఫీసర్లు అలర్ట్గా ఉండాలని జిల్లా వాసులు డిమాండ్ చేస్తున్నారు.
యాజమాన్యాల ఇష్టారాజ్యం
ఉమ్మడి జిల్లాలో సుమారు 500 ప్రైవేట్ఆస్పత్రులు ఉన్నాయి. ఇందులో 145 హాస్పిటల్స్వరకు నిజామాబాద్‌‌‌‌లోని ఖలీల్‌‌‌‌వాడిలోనే ఉన్నాయి. హాస్పిటల్ బిల్డింగ్స్ ఫైర్సేఫ్టీ రూల్స్పాటిస్తూ నిర్మించాల్సి ఉండగా, యాజమాన్యాలు పట్టించుకోవడం లేదు. చాలా ఆస్పత్రులు నివాస భవనాల్లో నడుపుతుండడంతో ఫైర్ సేఫ్టీ ఏర్పాట్లు చేయలేదు. జిల్లా వ్యాప్తంగా కేవలం 10 ఆస్పత్రులకు మాత్రమే అగ్నిమాపకశాఖ నుంచి నో ఆబ్జెక్షన్సర్టిఫికెట్కలిగి ఉన్నాయంటే పరిస్థితి ఎంత ప్రమాదకరంగా ఉందో అర్థమవుతోంది. ముఖ్యంగా ఖలీల్‌‌‌‌వాడి హాస్పిటల్స్ హబ్ గా మారింది. కానీ ఇక్కడ ఏ ఒక్క భవనానికి కూడా ఫైర్సేఫ్టీ ఎన్వోసీ లేదు. కొన్ని ఆస్పత్రి యాజమాన్యాలు ఆరోగ్యశ్రీ పర్మిషన్ల కోసమే యాంటీ ఫైర్పరికరాలు ఏర్పాటు చేసుకున్నారు. రెండు బిల్డింగ్స్మధ్య కనీసం 6 మీటర్ల ఖాళీ స్థలం ఉండాలి. ఒక భవనంలో ఫైర్యాక్సిడెంట్జరిగినా ఇంకో దానిలోకి వ్యాపించకుండా ఉంటుంది. కానీ ఏ ఒక్క భవనం కూడా ఈ రూల్స్పాటించడం లేదు. ఆస్పత్రుల వద్దకు అగ్నిమాపక వాహనం వెళ్లే పరిస్థితి లేదు. కొన్నింటికి మెట్లు మాత్రమే ఉన్నాయి. ఎమర్జెన్సీ ద్వారాలు, స్టేర్కేస్సౌకర్యాలు లేవు. చాలా ఆస్పత్రుల్లో విద్యుత్వ్యవస్థ కూడా అంతంత మాత్రంగానే ఉంది. గతంలో పలు ఆస్పత్రులలో షార్ట్సర్క్యూట్జరిగి అగ్నిప్రమాదాలు జరిగిన సంఘటనలు కూడా ఉన్నాయి.
నోటీసులిచ్చినా స్పందన కరువు..
15 మీటర్ల ఎత్తుకు పైగా ఉన్న ఆస్పత్రి బిల్డింగ్స్కు ఎన్వోసీ తప్పనిసరి. జిల్లాలో ఇలాంటి ఆస్పత్రి భవనాలు 50 వరకు ఉన్నాయి. కానీ వీరెవరూ ఎన్వోసీ తీసుకోలేదని తెలుస్తోంది. కనీసం యాంటీ ఫైర్పరికరాలైనా ఏర్పాట్లు చేయడం లేదు. ఇటీవల నిజామాబాద్‌‌‌‌లోని కొన్ని ఆస్పత్రులకు అగ్నిమాపకశాఖ అధికారులు నోటీసులు జారీ చేశారు. కానీ యాజమాన్యాల నుంచి ఎలాంటి స్పందన రాలేదు. ఇప్పటికైనా ఆఫీసర్లు కఠిన చర్యలు తీసుకోవాలని జిల్లా ప్రజలు డిమాండ్ చేస్తున్నారు.
ఫైర్ సేఫ్టీ లేకున్నా చర్యల్లేవ్
జిల్లాలో ఏ ఒక్క ప్రైవేట్ఆస్పత్రి కూడా ఫైర్సెఫ్టీ రూల్స్ పాటించడం లేదు. చర్యలు తీసుకోవాల్సిన ఆఫీసర్లు నిర్లక్ష్యంగా వ్యవహరిస్తున్నారు. ఆస్పత్రుల బిల్డింగ్స్కు సెట్బ్యాక్కూడా ఉండడం లేదు. ఎన్వోసీ లేకున్నా యథేచ్ఛగా రన్చేస్తున్నారు. సంబంధిత శాఖల ఆఫీసర్లు వెంటనే చర్యలు తీసుకోవాలి.
- కేశ వేణు, కాంగ్రెస్ అర్బన్ ప్రెసిడెంట్
కఠిన చర్యలు తీసుకుంటాం
ఫైర్సెఫ్టీ రూల్స్పాటించకపోతే హాస్పిటళ్లను సీజ్చేస్తాం. ఎన్వోసీ లేని ఆస్పత్రులకు నోటీసులిచ్చాం. 15 మీటర్ల కు పైగా ఎత్తు ఉన్న ఆస్పత్రులు తప్పని సరిగా ఎన్వోసీ కలిగి ఉండాలి. సేఫ్టీ రూల్స్ పై తరచూ తనిఖీలు చేపడ్తున్నం. మున్సిపల్ శాఖ బిల్డింగ్స్నిర్మాణప్పుడే అక్రమ కట్టడాలను నిరోధించాలి.
- మురళీ మనోహర్రెడ్డి,
డివిజనల్ ఫైర్ ఆఫీసర్
