హైదరాబాద్, వెలుగు: ఎన్ఆర్ఐ సీనియర్ సిటిజన్లకు లగ్జరీ వసతి సౌకర్యం అందించడానికి ఏర్పాటు చేసిన ప్రియా లివింగ్ హైదరాబాద్లో ప్రారంభమైంది. ఇక్కడ 127 అపార్ట్మెంట్లు ఉంటాయి. వీటిలో 2,3,4 పడక గదులు ఉంటాయి. సీనియర్ సిటిజన్లు ఇక్కడి నుంచే బిజినెస్ను నిర్వహించేందుకు తగిన ఏర్పాట్లు చేశామని ప్రియా లివింగ్ఫౌండర్ అరుణ్ పాల్ చెప్పారు.
‘‘వృద్ధులు తమ పాత అభిరుచులను తిరిగి మొదలుపెట్టవచ్చు. కొత్త విషయాలను నేర్చుకోవచ్చు. ఆహ్లాదం పంచే స్థలాలు, ప్రపంచస్థాయి సేవలు, సౌకర్యాలు మా ప్రత్యేకతలు”అని ఆయన వివరించారు. ఢిల్లీతోపాటు అహ్మదాబాద్లో ఇట్లాంటి ప్రాజెక్టులు చేపట్టామన్నారు. చెన్నై, గోవా, రిషికేష్, కాశీ, బరోడాలోనూ ప్రాపర్టీలను ప్రారంభిస్తామని అన్నారు. మనదేశంలో కార్యకలాపాల కోసం వంద మిలియన్ డాలర్లు ఖర్చు చేస్తామని చెప్పారు.
