టాలీవుడ్ ప్రముఖ హీరో ప్రియదర్శి ప్రస్తుతం "సారంగపాణి జాతకం" అనే సినిమాలో హీరోగా నటిస్తున్నాడు. ఈ సినిమాకి ఫ్యామిలీ ఓరియెంటెడ్ సినిమాలతో మంచి గుర్తింపు తెచ్చుకున్న ప్రముఖ డైరెక్టర్ మోహనకృష్ణ ఇంద్రగంటి దర్శకత్వం వహిస్తున్నాడు. శ్రీదేవి మూవీస్ బ్యానర్ పై శివలెంక కృష్ణప్రసాద్ నిర్మిస్తున్నాడు. ఈ సినిమాలో రూప కొడువాయూర్, నరేష్, తనికెళ్ల భరణి, అవసరాల శ్రీనివాస్, వెన్నెల కిషోర్, వైవా హర్ష, తదితరులు ప్రధాన తారాగణంగా నటిస్తున్నారు.
గురువారం టాలీవుడ్ స్టార్ హీరో విజయ్ దేవరకొండ చేతులమీదుగా సారంగపాణి జాతకం సినిమా టీజర్ రిలీజ్ చేశారు. ఈ సందర్భంగా విజయ్ దేవరకొండ మాట్లాడుతూ ఇప్పుడే సారంగపాణి జాతకం సినిమా టీజర్ చూశానని చాలా బాగుందని అన్నాడు.
అయితే తనకి జాతకం పట్ల పెద్దగా నమ్మకం లేదని కానీ డెస్టినీ ని నమ్ముతానని చెప్పకొచ్చాడు. అలాగే ప్రియదర్శి కూడా చాలా కష్టపడి ఈ స్థాయికి వచ్చాడని, ఒకప్పుడు తనతో కలసి నటించిన నటుడు నేషనల్ అవార్డ్స్ అందుకునే స్థాయికి ఎదగడం నాకు చాలా సంతోషంగా ఉందని అన్నాడు.
ఈ ట్రైలర్ విషయానికొస్తే ఈ సినిమాలో ప్రియదర్శి జాతకలని నమ్మే సారంగపాణి అనే యువకుడి పాత్రలో కనిపించాడు. అయితే సారంగపాణి కార్ కంపెనీలో సేల్స్ మెన్ గా పని చేస్తుంటాడు. దీంతో జాతకంతో లక్ కలసివస్తుందని నమ్ముతుంటాడు. ఈ క్రమంలో హీరోయిన్ రూపతో పరిచయం ఏర్పడి ప్రేమగా మారుతుంది.
ఇక అక్కడినుంచి వీరిద్దరి పెళ్ళిలో జాతకం ఎలాంటి పాత్ర పోషించింది.. చివరికి సారంగపాణికి జాతకం కలసొచ్చిందా లేదా అనే అంశంపై ఈ సినిమా తెరకెక్కినట్లు తెలుస్తోంది. మొత్తాని డిఫరెంట్ కాన్సెప్ట్ తో హీరో ప్రియదర్శి, మోహనకృష్ణ ఇంద్రగంటి ఫ్యామిలీ ఆడియన్స్ ని అలరించడానికి సిద్దమవుతున్నారు.
