నటుడిగా తనకంటూ గుర్తింపు తెచ్చుకుని సపోర్టింగ్ క్యారెక్టర్స్తో పాటు హీరోగానూ బిజీ అవుతున్నాడు ప్రియదర్శి. ఇటీవల ‘డార్లింగ్’ చిత్రంలో లీడ్ రోల్‌‌‌‌‌‌‌‌‌‌‌‌‌‌‌చేసి మెప్పించిన తను.. హీరోగా మరో సినిమాలో నటిస్తున్నాడు. ఆదివారం ప్రియదర్శి పుట్టినరోజు సందర్భంగా ఈ మూవీ టైటిల్అనౌన్స్మెంట్తో పాటు ఫస్ట్ లుక్ పోస్టర్ను రిలీజ్ చేశారు మేకర్స్. ప్రియదర్శి హీరోగా మోహనకృష్ణ ఇంద్రగంటి దర్శకత్వంలో తెరకెక్కుతోన్న ఈ చిత్రానికి ‘సారంగపాణి జాతకం’ అని టైటిల్ను ఫిక్స్ చేశారు. ఈ సందర్భంగా రిలీజ్ చేసిన ఫస్ట్ లుక్ పోస్టర్లో ప్రియదర్శి చేతి రేఖలను భూతద్దంలో చూస్తూ పామిస్ట్ గెటప్లో ఇంప్రెస్ చేస్తున్నాడు.
తన టేబుల్ మీద అస్ట్రాలజీ, పామిస్ట్ లాంటి కొన్ని బుక్స్ ఉండటం, బ్యాక్గ్రౌండ్లో జాతక చక్రం కనిపించడం సినిమాపై ఆసక్తిని పెంచుతున్నాయి. శ్రీదేవి మూవీస్ బ్యానర్పై శివలెంక కృష్ణప్రసాద్ ఈ చిత్రాన్ని నిర్మిస్తున్నారు. ఈ సందర్భంగా దర్శక నిర్మాతలు మాట్లాడుతూ.. ‘ఇదొక మధ్య తరగతి మంచి అబ్బాయి కథ. మనిషి భవిష్యత్తు అతని చేతి రేఖల్లో ఉంటుందా..? లేదా అతను చేసే చేతల్లో ఉంటుందా..? అనే ప్రశ్నకు జవాబు ఇచ్చే ఎంటర్టైనర్. జంధ్యాల గారి తరహా పూర్తి వినోదాత్మక సినిమా ఇది. రూప కడువయూర్ హీరోయిన్గా నటిస్తోంది. వెన్నెల కిశోర్, వైవా హర్ష, నరేష్ విజయకృష్ణ, తనికెళ్ళ భరణి, శ్రీనివాస్ అవసరాల ఇతర పాత్రలు పోషిస్తున్నారు. ఇప్పటికే 90 శాతం షూటింగ్ పూర్తయింది’ అని చెప్పారు. వివేక్ సాగర్ సంగీతం అందిస్తున్నాడు.
