ఐపీఎల్ లో రాయల్ ఛాలెంజర్స్ బెంగళూరుకు టైటిల్ గెలవాలనే కల కొనసాగుతూనే ఉంది. సీజన్ ప్రారంభంలో టైటిల్ ఫేవరేట్ గా బరిలోకి దిగడం.. అంచానాలు అందుకోలేక బోల్తా పడడం ఆ జట్టుకు అలవాటుగా మారింది. డివిలియర్స్, కోహ్లీ, గేల్, వాట్సన్, రాహుల్, చాహల్ లాంటి ఆటగాళ్లు ఆ జట్టులో ఉన్నా టైటిల్ అందించలేకపోయారు. కనీసం వచ్చే సీజన్ లోనైనా ఆర్సీబీ కప్ గెలవాలని ఫ్యాన్స్ ఎదురు ఎదురు చూస్తున్నారు. ఈ దశలో ఒక యువ క్రికెటర్ బెంగళూరుకు టైటిల్ అందిస్తానని ధీమా వ్యక్తం చేశాడు.
ప్రియాంష్ ఆర్య.. ప్రస్తుతం ఈ పేరు సోషల్ మీడియాలో తెగ వైరల్ అవుతుంది. ఢిల్లీ ప్రీమియర్ లీగ్ లో అలవోకగా 6 బంతుల్లో 6 సిక్సర్లు బాదేశాడు. దీంతో భారత క్రికెట్ లో యువరాజ్ సింగ్ తర్వాత ఆరు బంతులకు ఆరు సిక్సర్ల కొట్టిన ప్లేయర్ గా చరిత్ర సృష్టించాడు. ఈ మ్యాచ్ లో మొత్తం 39 బంతుల్లోనే సెంచరీ చేసుకున్న ప్రియాంష్.. 50 బంతుల్లో 120 పరుగులు చేసి ఔటయ్యాడు. ఈ ఇన్నింగ్స్ అనంతరం ప్రియాంష్ తాను ఐపీఎల్ ఆడాలనుకున్నట్లు తన మనసులోని మాట చెప్పుకొచ్చాడు.
ALSO READ | Delhi Premier League: గిల్‌క్రిస్ట్‌‌తో పోల్చినందుకు సంతోషంగా ఉంది: RCB యువ క్రికెటర్
స్పోర్ట్స్‌యారీతో చాట్‌లో ప్రియాంష్ ఆర్య మాట్లాడుతూ.. "రాయల్ ఛాలెంజర్స్ బెంగళూరు తరపున ఆడాలనుకుంటున్నా. విరాట్ కోహ్లీ నా అభిమాన క్రికెటర్. ఆర్సీబీ ఇంకా ఐపీఎల్ ట్రోఫీని గెలవలేదు. నేను బెంగళూరు జట్టుకు వస్తే వారు టైటిల్ గెలవడానికి సహాయం చేస్తా". అని ఈ యువ క్రికెటర్ తన మనసులోని మాటను బయట పెట్టాడు. ప్రియాంష్ ఆర్య ఐపీఎల్ ఆక్షన్ లోకి వస్తే అతన్ని చాలా జట్లు కొనడానికి సిద్ధంగా ఉన్నట్టు సమాచారం.
Priyansh Arya reveals his desire to play for RCB and help them win their first IPL title. 🏆 pic.twitter.com/M3mSWYnt3n
— CricketGully (@thecricketgully) September 2, 2024
