సిటీలో టూరిస్టు ప్లేస్ అనగానే మొదటగా అందరికీ గుర్తొచ్చేది ట్యాంక్బండ్. అలాంటిది నిత్యం వేల సంఖ్యలో సందర్శకులు వచ్చే.. లోయర్ ట్యాంక్బండ్ కవాడీగూడలోని రోటరీ చిల్డ్రన్ మిని పార్క్ పడావుపడ్డది. కొంతకాలంగా ఈ పార్కును హెచ్ఎండీఏ అధికారులు గాలికొదిలేయడంతో అధ్వాన్నంగా తయారైంది.
పేరుకుపోయిన చెత్త, ఏపుగా పెరిగిన పిచ్చి మొక్కలు, విరిగిపోయిన వాటర్ పాండ్స్ ఇలా అనేక సమస్యలు దర్శనమిస్తున్నాయి. ఆక్వేరియం ప్రదేశం చెత్తతో నిండిపోయి కంపుకొడుతుంది. ఏటా బతుకమ్మ, ఛట్ పూజ వంటి కార్యక్రమాలు ఈ పార్కులోనే చేస్తారు. అప్పుడు తప్పితే అధికారులు ఇటువైపు కన్నెత్తిచూడరు. ఇప్పటికైనా అధికారులు పట్టించుకోవాలని స్థానికులు కోరుతున్నారు. – హైదరాబాద్, వెలుగు
